Singappenney: சிங்கப்பெண்ணே இந்திய மகள்களுக்கு சமர்ப்பணம்: 23ம் தேதி பாடல் வெளியீடு: பிகில் அப்டேட்!

தெறி மற்றும் மெர்சல் படங்களைத் தொடர்ந்து இயக்குனர் அட்லி இயக்கத்தில் தளபதி விஜய் நடிப்பில் உருவாகி வரும் 3ஆவது திரைப்படம் பிகில், ஏஜிஎஸ் நிறுவனம் தயாரிக்கும் இப்படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். வரும் தீபாவளி பண்டிகையை முன்னிட்டு இப்படம் திரைக்கு வரவுள்ளது. கால்பந்து விளையாட்டு கதையை மையப்படுத்திய இப்படத்தில் விஜய், அப்பா (பிகில்) மற்றும் மகன் (மைக்கெல்) என்று இரு கதாபாத்திரங்களில் நடித்துள்ளார்.

ஆடை சினிமா விமர்சனம்!

இப்படத்தில் விஜய்க்கு ஜோடியாக நயன்தாரா நடித்துள்ளார். ஏஞ்சல் என்ற கதாபாத்திரத்தில் வரும் நயன்தாரா இப்படத்தில் பிசியோதெரபி மாணவியாக நடித்துள்ளார். இப்படத்தில் இவர்களுடன் இணைந்து ஜாக்கி ஷ்ரூப், டேனியல் பாலாஜி, இந்துஜா, ரெபா மோனிகா ஜான், விவேக், கதிர், பூவையார், ஐ.எம்.விஜயன், யோகி பாபு ஆகியோர் பலர் நடித்துள்ளனர்.

Ajith: தாண்டவமாடும் தல: சண்டைக்காட்சியில் அனல் பறக்கும் பாடல்: வைரலாகும் தீ முகம் தான் லிரிக்!


விஜய் பிறந்தநாளை முன்னிட்டு இப்படத்தின் ஃபர்ஸ்ட் லுக் போஸ்டர் வெளியானது. தொடர்ந்து 2ஆவது மற்றும் 3ஆவது லுக் போஸ்டர் அடுத்தடுத்து வெளியானது. இந்த நிலையில், அண்மையில், இப்படத்தில் இடம்பெற்றுள்ள சிங்கப் பெண்ணே என்ற பாடல் லிரிக் வீடியோ சமூக வலைதளங்களில் லீக் ஆனது. இந்த அதிர்ச்சி அடங்குவதற்குள் அடுத்து, ஹே புள்ள மற்றும் வெறித்தனம் ஆகிய பாடல்களும் அடுத்தடுத்து லீக்கானதாக பாடல் வீடியோ வெளியானது. ஆனால், இதற்கு தயாரிப்பு தரப்பில் இருந்து எந்த தகவலும் இல்லை.

Thee Mugam Dhaan: அனல் பறக்கும் அஜித்தின் தீ முகம் தான் பாடல் லிரிக் வீடியோ வெளியீடு!

இந்த நிலையில், தயாரிப்பு தரப்பில் இருந்து இன்று ஒரு புதிய அறிவிப்பு வெளியாகியுள்ளது. அதன்படி, வரும் 23ம் தேதி பிகில் படத்தின் முதல் சிங்கிள் சிங்கப்பெண்ணே பாடல் லிரிக் வீடியோ வெளியாகும் என்று அறிவித்துள்ளது. மேலும், நாட்டில் உள்ள அனைத்து மகள்களுக்கும் இந்தப் பாடல் சமர்ப்பணம் என்று அர்ச்சனா கல்பாத்தி தெரிவித்துள்ளார்.

இதற்கு முன்னதாக தல அஜித் நடிப்பில் உருவாகியுள்ள நேர்கொண்ட பார்வை படத்தின் 3ஆவது சிங்கிள் டிராக் தீ முகம் தான் என்ற பாடல் லிரிக் வீடியோ வெளியாகி சமூக வலைதளங்களில் வைரலானது. உண்மையில், பெரும்பாலும் அஜித் நடிப்பில் உருவாகும் படங்களில் டீசர், பாடல்கள், சிங்கிள் டிராக் என்று எதுவுமே லீக்காவது இல்லை. அவரைப் போன்று சைலண்டாக அறிவிப்பு வெளியாகி, அப்டேட் மாஸ் காட்டும். ஆனால், இதுவரை ஆடியோ வெளியீட்டு விழா பிரமாண்டமாக நடந்தது இல்லை என்று கூறலாம்.