அஜித்தை விட அமலாபாலுக்கு முக்கியத்துவம் அளிக்கும் விநியோகஸ்தர்கள்

அஜித்தின் "நேர் கொண்ட பார்வை" படத்தை விட அமலாபால் நடிப்பில் வெளியாகவிருக்கும் "ஆடை" படத்தை வாங்கவே விநியோகஸ்தர்கள் அதிக ஆர்வம் காட்டுகிறார்கள். இது சினிமா உலகினரிடையே பரபரப்பாக பேசப்பட்டு வருகிறது.

தல அஜித்குமார் நடிப்பில் சதுரங்க வேட்டை, தீரன் அதிகாரம் ஒன்று படங்களின் மூலம் புகழ்பற்றஇயக்குநர் வினோத் இயக்கத்தில் உருவாகியுள்ள படம் நேர் கொண்ட பார்வை. இந்தியில் அமிதாப், டாப்ஸி நடிப்பில் வெளியாகி மிகப்பெரும் பரபரப்பை கிளப்பிய படம் பிங்க். அந்தப் படத்தின் தமிழ் ரிமேக்காக உருவாகியுள்ள படம் தான் நேர்கொண்ட பார்வை.

முழுக்க பெண்ணியப் படமாக பெண்களின் சுதந்திரத்தையும், உரிமைகளையும், இந்திய சமூகத்தில் பெண் மீது நிலவும் பாலியல் பிரச்சனைகளையும் அழுத்தமாக பேசிய படம் தான் பிங்க். முழுக்க பெண்கள் மிக முக்கியப் பாத்திரத்தில் நடித்த இந்தப்படத்தில் அமிதாப் மிகச்சிறிய நேரமே வரக்கூடிய முக்கிய பாத்திரத்தில் நடித்திருந்தார். அப்படியான ஒரு படத்தில் தமிழின் மாஸ் ஹீரோவாக இருக்கும் அஜித் நடித்திருப்பது எல்லோருக்கும் ஆச்சர்யமே! ஆனால் அது தான் இப்பொது நேர் கொண்ட பார்வைபடத்தின் ரிலீஸிற்கு சிக்கலாக அமைந்துள்ளது.


இந்திப்படம் போல் இல்லாமல் தமிழ்ப் படத்தின் அஜித்தின் கேரக்டர் அதிக நேரம் வரும்படி உருவாக்கப்பட்டுள்ளது. மேலும் படம் ஆக்ஷன் கலந்ததாக உருவாக்கப்பட்டுள்ளது. வித்தியாபாலன் அஜித் ஜோடியாக நடித்துள்ளார். கல்கி கொச்சிலின், ஸ்ரத்தா ஸ்ரீநாத், பிக்பாஸ் அபிராமி, ரங்கராஜ் பாண்டே ஆகியோர் முக்கிய பாத்திரத்தில் நடித்துள்ளனர். இப்படத்தின் டீஸர் சமீபத்தில் வெளியாகி ரசிகர்களிடம் மிகப்பெரும் வரவேற்பை பெற்றது.

போனி கபூர் படத்திற்கு அதிக விலை கூறியதால் விநியோகஸ்தர்கள் ஆர்வம் காட்டவில்லை. மேலும் இப்படத்தில் அஜித் கௌரவ தோற்றம் என்பதால் அவர் வரும் பகுதி சிறிது நேரமே வரும் என்பதாலும் விநியோகஸ்தர்கள் படம் தகுந்த வரவேற்பை பெறுமா என சந்தேகத்தில் உள்ளார்கள். இதனாலும் இப்படம் வியாபரத்தில் பிரச்சனைகள் எழுந்துள்ளது.

அதேநேரம் அமலா பால் நடித்த ஆடை படத்தை வாங்க விநியோகஸ்தர்கள் போட்டி போட்டு வருகிறார்கள். ஆடை படத்தின் டீஸர் ஏற்படுத்திய பரப்ரப்பே இதற்கு காரணம் எனச்சொல்லப்படுகிறது.

மேயாத மான் படத்தின் இயக்குநர் ரத்னகுமார் இயக்கத்தில் அமலாபால் நடித்திருக்கும் படம் ஆடை. அமலா பால் மிக தைரியம் வாய்ந்த பெண்ணாக நடித்துள்ளார். இப்படத்தில் விவேக் பிரசன்னா, ரம்யா, ஸ்ரீரஞ்சனி ஆகியோர் முக்கிய பாத்திரத்தில் நடிக்கிறார்கள். இப்படத்தின் டீஸரில் அமலா பால் நிர்வாணமாக நடித்திருக்கும் காட்சி வெளியாகி பெரும் பரபரப்புக்கு உள்ளானது.

ஒரு அபார்ட்மெண்ட்டுக்குள் நிர்வாணமாக மாட்டிக்கொள்ளும் பெண்ணின் கதையை திரில்லாக சொல்லும் படமாக இப்படம் உருவாகியுள்ளது. ஒரு காட்சியில் அமலாபால் முழு நிர்வாணமாக நடித்துள்ளார். டிரெய்லர் வித்தியாசமாக இருப்பதாக அனைவரும் பாராட்டியுள்ளனர்.

ஆடை படம் வரும் 19ம் தேதி ரிலீஸாகவுள்ளது. இப்படத்தை பல விநியோகஸ்தர்கள் பெரும் விலைக்கு வாங்கியுள்ளார்கள். படத்திற்கு கிடைத்திருக்கும் பெரும் வரவேற்பால் படக்குழு மகிழ்ச்சியில் ஆழ்ந்திருக்கிறது.

அஜித் படத்திற்கு கிடைக்காத வியாபார வரவேற்பு அமலாபால் படத்திற்கு கிடைத்திருப்பது ஆச்சர்யத்தை ஏற்படுத்தியுள்ளது.