குல் மக்காய்: சினிமாவில் மலாலாவின் வாழ்க்கை

அமைதிக்கான நோபல் பரிசை வென்ற மலாலாவின் வாழ்க்கை வரலாறு குல் மக்காய் என்ற பெயரில் திரைப்படமாகிறது.

கடந்த 2012ஆம் ஆண்டு பள்ளிப் பேருந்தில் வீடுக்கு வந்துகொண்டிருந்த பாகிஸ்தான் சிறுமி மலாலா தாலிபன்களின் துப்பாக்கிச் சூட்டில் காயமடைந்தார். அவர் சிறுவயதிலேயே பெண் கல்வியை வலியுறுத்தியும் தாலிபன்களின் பயங்கரவாதத்திற்கு எதிராகவும் பேசியும் எழுதியும் வந்ததால் துப்பாக்கியால் சுட்டு தாக்கப்பட்டார். படுகாயமடைந்த மலாலா சிகிச்சைக்குப்பின் குணமடைந்தார்.

இவருக்கு 2014ஆம் ஆண்டில் அமைதிக்கான நோபல் பரிசு வழங்கப்பட்டது. மிகக் குறைந்த வயதில் நோபல் பரிசு பெற்ற பெருமையும் மலாலாவுக்குக் கிடைத்தது.

இவரது வாழ்க்கை வரலாற்றை படமாக்கும் பணியை இயக்குநர் அம்ஜத் கான் தொடங்கியுள்ளார். ‘குல் மக்காய்’ என்ற பெயரில் தலிபான்களுக்கு எதிராக எழுதி வந்ததால் அதையே இப்படத்திற்கு தலைப்பாக படக்குழுவினர் வைத்துள்ளனர்.

இப்படத்தில் மலாலாவின் ரீம் சேக் என்பவர் மலாலாவாக நடிக்கிறார். அதுல் குல்கர்னி, திவ்யா தத்தா, அபிமன்யூ சிங், முகேஷ் ரிஷி உள்ளிட்டோரும் நடிக்கின்றனர்.

இதற்காக, மலாலவின் வீடு, படித்த பள்ளி ஆகியவற்றில் படப்பிடிப்பு நடக்கிறது. இப்படத்தின் முதல் நாள் வசூல் மலாலா நிதி அமைப்புக்கு (Malala Fund) வழங்கப்பட உள்ளது.