காதலர் தினத்தை முன்னிட்டு ‘பியார் பிரேமா காதல்’ படத்தின் முதல் பாடல் வெளியானது!!

பிக்பாஸ் புகழ் ஹரிஸ், ரைசா இணைந்து நடிக்கும் பியார், பிரேமா, காதல் படத்தில் முதல் சிங்கிள் டிராக் இன்று வெளியாகியுள்ளது.

விஜய் டிவியில் ஒளிபரப்பான பிக்பாஸ் நிகழ்ச்சியின் மூலம், அந்த நிகழ்ச்சியில் பங்கேற்ற அனைவரும் தமிழக மக்களிடம் மிகவும் பிரபலமாகினர். இதனால், அவர்கள் அந்த நிகழ்ச்சியை விட்டு வந்தபின் அவர்களுக்கு படவாய்ப்புகள் குவிந்த வண்ணம் உள்ளன.

அந்தவகையில், அதில் பங்கேற்ற ஹரிஸ் கல்யாண் மற்றும் ரைசா வில்சன் ஆகியோர் ஒன்றாக சேர்ந்து ‘பியார் பிரேமா காதல்’ என்ற படத்தில் நடித்து வருகின்றனர். யுவன் சங்கர் ராஜா இசையமைக்கும் இப்படத்தின் முதல் சிங்கிள் காதலர் தினத்தை முன்னிட்டு இன்று வெளியாகியுள்ளது.‘ஹை ஆன் லவ்’ என்ற இந்தப் பாடலை பிரபல பாடகர் சித் ஸ்ரீராம் பாடியுள்ளார்.
எலன் இயக்கத்தில் உருவாகி வரும் இப்படம், விரைவில் திரைக்கு வரும் என எதிர்பார்க்கபடுகிறது.