‘தி ஹிட்மேன்ஸ் பாடிகார்ட்’ தமிழில் ‘மரண நிமிடம்’மாக வெளியாகிறது!

ஹாலிவுட் படமான ‘தி ஹிட்மேன்ஸ் பாடிகாட்’ படம் தற்போது தமிழில் டப்பிங் செய்யப்பட்டு ‘மரண நிமிடம்’ என்ற பெயரில் வெளியாகவுள்ளது.

ஹாலிவுட் நடிகர்கள் ரெயான் ரெனால்ட்ஸ், சாமுவேல் ஜாக்சன் ஆகியோர் இணைந்து நடித்துள்ள படம் ‘தி ஹிட்மேன் பாடிகார்ட்’. மேலும் படத்தில் இவர்களுடன் கெரி ஓல்டுமேன், சல்மா ஹயாக், எலோடி யங் உள்பட பலர் நடித்துள்ளனர். ‘தி டைரக்டர், தி லைட்டர்’, ‘ரெட் ஹில்’, ‘தி எக்ஸ்பண்டபிள்’ ஆகிய படங்களை இயக்கிய பேக்ரிக் ஹக்ஸ் இநதப் படத்தையும் இயக்கியுள்ளார். படத்திற்கு அல்ட்டி ஓவர்சன் இசையமைத்துள்ளார்,

இந்தப் படம் மாதவன் & விஜய் சேதுபதி நடித்த ‘விக்ரம் வேதா’ மாதிரியான அண்டர்கிரவுண்ட் தாதாக்களின் கதை. சர்வதேச போதை மருந்து கடத்தல் மன்னனின் பாடிகார்டாக இருக்கும் ஹீரோ, தாதாவை கொல்லத் துடிக்கும் போலீஸ் இரு தரப்புக்கும் இடையிலான மோதல் கதை.

கடந்த 18ம் தேதி அமெரிக்காவில் வெளியான இந்தப் படம் பெரிய வெற்றியை பெற்றிருக்கிறது. 30 மில்லியன் டாலரில் உருவான படம் அமெரிக்காவில் மட்டும் 62 மில்லியன் டாலர் வசூலித்திருக்கிறது. இந்தப் படம் இந்தியாவில் வருகிற செப்டம்பர் 1-ம் தேதி வெளிவருகிறது. தமிழில் டப் செய்யப்பட்டு ‘மரண நிமிடம்’ என்ற டைட்டிலுடன் வெளியிடப்படுகிறது.