குடும்ப அமைப்புக்கும், கட்டிலுக்கும் தொடர்பு இருக்கு: சிருஷ்டி டாங்கே!

மேகா படம் மூலம் தமிழில் அறிமுகமானவர் நடிகை சிருஷ்டி டாங்கே. தற்போது கட்டில் என்ற படத்தில் ஒரு குழந்தைக்கு அம்மாவாக நடித்து வருகிறார். இது குறித்து அவர் கூறுகையில், வெறும் டைட்டிலை வைத்து இது அந்தமாதிரியான படம் என்று நினைத்துவிட வேண்டாம். முழுக்க முழுக்க குடும்ப கதையை மையப்படுத்தி இப்படம் உருவாக்கப்பட்டுள்ளது.

கட்டிலுக்கும், குடும்ப அமைப்புக்கும் நிறைய தொடர்பு இருப்பதை சுட்டிக்காட்டவே இந்தப் படம். ஒவ்வொருவரது குடும்பத்திலும் உறவுமுறைகள் வெவ்வேறாக இருக்கும். ஆனால், அவர்களுக்கு இடையில் இருக்கும் பாசப்போராட்டம் ஒன்றுதான். அது தான் இந்தப் படம்.

முழுக்க முழுக்க எமோஷனல் டிராமா. இப்படத்தை விருது விழாவிற்கு அனுப்பும் முயற்சியில் தான் இந்தப் படம் உருவாக்கப்பட்டுள்ளது. கடந்த 10 வருத்தில், இப்போதுதான் ஹவுஸ் வைப் ஆக நடித்துள்ளேன். இதுவரை எனக்கு கொடுத்த அனைத்து கதாபாத்திரத்திலும் நான் கச்சிதமாக நடித்துமுடித்துள்ளேன். ஆனால், என்ன பட வாய்ப்புதான் சரியாக அமையவில்லை.

இந்தப் படத்தின் மூலம் இனிமேல் பட வாய்ப்பு அமையும் என்று எதிர்பார்க்கிறேன். இந்தப் படத்தை ஈவி கணேஷ் பாபு இயக்கியுள்ளார். விரைவில் இந்தப் படம் திரைக்கு வரும் என்று எதிர்பார்க்கப்படுகிறது.