மறுபடியும் சினிமா படப்பிடிப்புகள் ரத்து! ஏன்?

சினிமா படப்பிடிப்புகள் ரத்து செய்யப்படயிருப்பதாக தயாரிப்பாளர்கள் சங்கம் தெரிவித்துள்ளது.

தென்னிந்திய திரைப்பட இயக்குனர்கள், சின்னத்திரை சண்டை கலைஞர்கள் மற்றும் சின்னத்திரை சண்டை இயக்குனர்கள் சங்கத்தின் 50ம் ஆண்டு பொன்விழா வரும் 26ம் தேதி சென்னையில் கோலாகலமாக கொண்டாடப்பட இருக்கிறது.

இந்த 50ம் ஆண்டு பொன்விழாவை முன்னிட்டு அன்று சினிமா படப்பிடிப்புகளை ரத்து செய்யுமாறும் சின்னத்திரை சண்டைக் கலைஞர்கள் சங்கத்தினர், தயாரிப்பாளர்கள் சங்கத்துக்குக் கோரிக்கை வைத்திருந்தனர். இதன் காரணமாக வரும் 26ம் தேதி அனைத்து படப்பிடிப்புகளும் ரத்து செய்யப்படுவதாக திரைப்பட தயாரிப்பாளர்கள் சங்கம் தெரிவித்துள்ளது.

இதற்கு முன்னதாக ஜிஎஸ்டி மற்றும் கேளிக்கை வரிக்கு எதிர்ப்பு தெரிவித்து கடந்த மாதம் சினிமா படப்பிடிப்புகள் ரத்து செய்யப்பட்டது. இதையடுத்து ஃபெப்சி மற்றும் தயாரிப்பாளர்கள் சங்கத்தின் பிரச்சனை காரணமாகவும் படப்பிடிப்புகள் ரத்து செய்யப்பட்டது குறிப்பிடத்தக்கது.