விஸ்வரூபம் படத்தால் ரூ.60 கோடி நஷ்டம்: கமலின் அதிரடி பேச்சு

விஸ்வரூபம் படத்தால் தனக்கு ரூ.60 கோடி நஷ்டம் ஏற்பட்டதாக நடிகர் கமல்ஹாசன் தெரிவித்துள்ளார்.

ஒவ்வொருவரும் படம் எடுக்கும் போது பல பிரச்சனைகளை சந்தித்து வருகின்றனர். அதில் என்ன கமல்ஹாசன் மட்டும் விதிவிலக்கா. தான் இயக்கி நடித்த விஸ்வரூபம் படத்தில் முஸ்லீம் மக்களுக்கு எதிரான காட்சிகள் அதிக இருப்பதாக கூறி அப்போது ஜெயலலிதா தலைமையிலான அரசு அதற்கு தடை விதித்தது. பல தடைகளுக்கு பின்னர் அப்படம் ரிலீஸ் செய்யப்பட்டது.

இந்நிலையில் விஸ்வரூபம் படம் தொடர்பாக அவர் கூறுகையில், முஸ்லீம் மக்களுக்கு எதிராக படம் உருவாகி இருப்பதாக கூறி விஸ்வரூபம் படம் தடை செய்யப்பட்டது. பின்னர் சட்டப்பூர்வமாக அந்த தடை நீக்கப்பட்டது. இருந்த போதிலும் அப்போதைய அரசு படத்திற்கு மீண்டும் தடை விதித்தது. அதன் பின்னர் மக்கள் எதிர்ப்பு தெரிவித்ததால் தடை நீக்கப்பட்டது. ஆனால், விஸ்வரூபம் படத்திற்காக எனது முழு சொத்துக்களையும் அடமானம் வைத்தேன், அவமானப்பட்டேன். இன்னும் சொல்லப்போனால் என்னை அழிக்கும் நிலை கூட ஏற்பட்டது.

படத்திற்கு எழுந்த தடையால தனக்கு ரூ. 60 கோடி நஷ்டம் ஏற்பட்டது. நாடு முழுவதும் ஊழ்ல் நிரம்பி வழிகிறது. அதனால் எதையும் சிறிதாக எடுத்து கொள்வதுடன் மறக்கக்கூடியதாகவும் உள்ளது. நான் எதையும் மறக்க மாட்டேன். நான் நேர்மையான முறையில் வருமான வரி கட்டும் ஒரு உண்மையான குடிமகன். அப்படிப்பட்ட எனக்கு இது மிகப்பெரிய இழப்பு தான். நான் இன்னும் உலாவி கொண்டிருப்பதால் பொதுமக்களுக்கு நன்றி தெரிவித்துக்கொள்கிறேன். விஸ்வரூம் படத்தின் 2ம் பாகம் வெளியாக இருக்கிறது. முதல் படத்தைப் போன்று இப்ப்டத்திற்கும் எந்த பிரச்சனையும் இருக்காது என்று நம்புகிறேன் என்று தெரிவித்துள்ளார்.