ஆப்நகரம்

இதுவா? அதுவா? நீங்களே முடிவு செய்யுங்கள்: அரவிந்த் சாமி

எந்த போராட்டம் வேணுமென்று நீங்களே முடிவு செய்யுங்கள் என்று நடிகர் அரவிந்த்சாமி தனது டுவிட்டர் பக்கத்தில் குறிப்பிட்டுள்ளார்.

Samayam Tamil 12 Apr 2018, 8:35 pm
எந்த போராட்டம் வேணுமென்று நீங்களே முடிவு செய்யுங்கள் என்று நடிகர் அரவிந்த்சாமி தனது டுவிட்டர் பக்கத்தில் குறிப்பிட்டுள்ளார்.
Samayam Tamil arvindswamy.


தமிழகத்தில் தற்போது காவிரி மேலாண்மை வாரியம் அமைக்காத மத்திய அரசை கண்டித்து அரசியல் பிரபலங்கள், திரையுலகினர் என்று பலரும் போராட்டம் நடத்தி வருகின்றனர். இந்த நிலையில், சென்னை வந்த பிரதமர் மோடிக்கு எதிர்ப்பு தெரிவிக்கும் வகையில் கருப்புக் கொடி ஏந்தியும் போராட்டம் நடந்துள்ளது. இதற்கிடையில், சென்னை சேப்பாக்கம் மைதானத்தை சுற்றிலும் ஐபிஎல் போட்டியை நடத்த விடாமல் போராட்டம் நடந்துள்ளது. இதில், இயக்குனர் பாரதிராஜா, அமீர், வெற்றிமாறன் ஆகியோர் கைது செய்யப்பட்டு விடுவிக்கப்பட்டுள்ளனர்.

இந்த நிலையில், இந்த போராட்டங்கள் குறித்து நடிகர் அரவிந்த்சாமி டுவிட்டர் பக்கத்தில் கூறியிருப்பதாவது: கடந்த இரண்டு நாட்களில் தமிழகத்தில் மட்டும் இருவகையான போராட்டங்கள் நடந்து முடிந்துள்ளது. இதில், முதலாவது விளம்பரத்திற்காக எதிர்மறையான போராட்டம். மற்றொன்று உலகளவில் கவனத்தை பெற்றது. இந்தப் போராட்டம் மக்களின் தேவையாக இருந்தது. ஒட்டுமொத்தத்தில் இந்த இரு போராட்டங்களில் எது எதிர்காலத்திற்கான போராட்டம் என்பதனை நீங்களே முடிவு செய்துகொள்ளுங்கள் என்று குறிப்பிட்டுள்ளார் என்பது குறிப்பிடத்தக்கது.

அடுத்த செய்தி

டிரெண்டிங்