‘தெறி’ பட மலையாள போஸ்டர் வெளியீடு!

‘தெறி’ படத்தின் மலையாள போஸ்டர் தற்போது வெளியிடப்பட்டுள்ளது.

விஜய் நடித்துள்ள ‘தெறி’ படம் தமிழகத்தில் ஏப்ரல் 14 தமிழ் புத்தாண்டை முன்னிட்டு வெளியாவுள்ளது. இதேபோல், மலையாள விஷுபண்டிகையை முன்னிட்டு ஏப்ரல் 14ஆம் தேதி வெளியிடப்பட உள்ளது.

சமந்தா, எமி ஜாக்சன் கதாநாயகிகளாக நடித்துள்ள இந்தப்படத்திற்கு ஜி.வி.பிரகாஷ் இசையமைத்துள்ளார். ஜி.வி. பிரகாஷ் இசையமைக்கும் 50வது படம் ‘தெறி’. ‘ராஜாராணி’ என்கிற ஒரு படத்திலேயே ரசிகர்களை தன் பக்கம் கவர்ந்து இழுத்துவிட்ட இயக்குனர் அட்லி இந்தப்படத்தின் மூலம் மாஸ் டைரக்டராக மாறுவதற்கான வாய்ப்பு நிறையவே இருக்கிறது.

வழக்கமாக கேரளாவில் முன்னணி நடிகர்களுக்கு இணையாக விஜய் படத்திற்கு வரவேற்பு இருக்கும். காரணம் மோகன்லால், மம்முட்டி, திலீப், பிருத்விராஜ் என அனைத்து நடிகர்களின் ரசிகர்களும் விஜய் படங்களை பார்க்கும் பட்டியலில் இருக்கிறார்கள்.

இந்தப்படத்தின் மலையாள உரிமையை மலையாள நடிகர் விஜய்பாபு 5.6 கோடி ரூபாய் கொடுத்து கைப்பற்றியுள்ளார். வரும் 14 ஆம் தேதி வெளியாகவுள்ள இந்தப்படத்திற்கான புரமோஷன் வேலைகளில் பிஸியாக உள்ள விஜய்பாபு கேரள ரசிகர்களின் மனம் சந்தோஷப்படும்படி ‘தெறி’ படத்தின் மலையாள போஸ்டரை இன்று வெளியிட்டுள்ளார்.