ரஜினியுடன் ‘பேட்ட’ படத்தில் இணைந்த ‘தெறி’ பட வில்லன்!

ரஜினியை வைத்து பல படங்களை இயக்கியவரும், விஜய் நடித்த ‘தெறி’ படத்தில் வில்லனாக நடித்த இயக்குனர் மகேந்திரன், ரஜினியுடன் ‘பேட்ட’ படத்தில் நடித்து வருகிறார்.

‘காலா’ படத்திற்குப் பிறகு நடிகர் ரஜினிகாந்த், இயக்குனர் கார்த்திக் சுப்புராஜ் இயக்கத்தில் ‘பேட்ட’ படத்தில் நடித்து வருகிறார். இந்தப் படத்தில் ரஜினியுடன், நடிகர்கள் விஜய் சேதுபதி,சசிகுமார், த்ரிஷா, சிம்ரன், நவாசுதீன் சித்திக் உள்ளிட்ட பலர் நடிதது வருகின்றனர். இந்தப் படத்திற்கு அனிருத் இசையமைத்து வருகிறார். படத்தை சன் பிக்சர்ஸ் தயாரித்து வருகிறது. தற்போது ‘பேட்ட’ படத்தின் இறுதிக்கட்ட படப்பிடிப்பு லக்னோ மற்றும் வாரணாசியில் விறுவிறுப்பாக நடந்து வருகிறது.

இந்நிலையில், ‘பேட்ட’ படத்தில் ரஜினியை வைத்து பல வெற்றிப் படங்களைத் தந்த பிரபல இயக்குநர் மகேந்திரன் முக்கிய கதாபாத்திரத்தில் நடிப்பதாக தகவல் வெளியாகி இருக்கிறது. இவர் ஏற்கெனவே விஜய் நடித்த ‘தெறி’ படத்தில் வில்லனாக நடித்திருந்தார் என்பது குறிப்பிடத்தக்கது.