யாழ் குணசேகரன் இயக்கத்தில் ‘தெரியும் ஆனால் தெரியாது’!

இயக்குனர் யாழ் குணசேகரன் இயக்கத்தில் உருவாகி வரும் திகில் படம் ‘தெரியும் ஆனால் தெரியாது’.

தமிழில் ‘முன்தினம் பார்த்தேனே’ படத்தில் அறிமுகமான சஞ்சய் இந்தப் படத்தில் ஹீரோவாக நடிக்கிறார். ‘டூ’, ’எப்போதும் வென்றான்’ போன்ற படங்களில் நடித்துள்ளார். இந்த படங்கள் எதுவுமே இவரை கைதூக்கிவிடவில்லை. தற்போது ‘தெரியும் ஆனா தெரியாது’ என்ற திகில் படத்தில் நடித்து வருகிறார். இவருக்கு ஜோடியாக புதுமுகம் தியா நாயர் நடிக்கிறார்.
மேலும் படத்தில் ராஜேஷ், சாம்ஸ், மூர்த்தி உள்பட பலர் நடிக்கின்றனர். படத்திற்கு மனோஜ் பத்ரா, வேதா, செல்வம் ஆகியோர் ஒளிப்பதிவு செய்கிறார்கள், அம்ரிஷ் இசையமைக்கிறார். படத்தை யாழ் குணசேகரன் இயக்குகிறார்.

இந்தப் படத்தின் படப்பிடிப்பு தற்போது கேரளா, மூனாறு, காந்தலூர், அதிரப்பள்ளி காடுகள் மற்றும் சென்னை போன்ற இடங்களில் நடந்து முடிந்துள்ளது. படம் விரைவில் திரைக்கு வரவுள்ளது.