அடுத்தடுத்து வெளியாகும் சிம்பு பட அப்டேட்: கொண்டாட்டத்தில் ரசிகர்கள்!

விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் மேனன் மூன்றாவது முறையாக 'வெந்து தணிந்தது காடு' படத்தில் இணைகின்றனர். அண்மையில் வெங்கட் பிரபு இயக்கத்தில் சிம்பு நடிப்பில் வெளியான 'மாநாடு' படம் அனைத்து தரப்பினர் மத்தியிலும் அமோக வரவேற்பை பெற்றுள்ளது.

வருண் நடிப்பில் 'ஜோஷ்வா' படத்தை இயக்கி முடித்துள்ளார் கெளதம் மேனன். இந்தப்படத்தை தொடர்ந்து தற்போது சிலம்பரசன் நடிப்பில் 'வெந்து தணிந்தது காடு' படத்தை இயக்கி வருகிறார். இந்த இரண்டு படங்களையுமே வேல்ஸ் பிலிம்ஸ் நிறுவனம் சார்பாக ஐசரி கணேஷ் தயாரித்து வருகிறார். விண்ணைத்தாண்டி வருவாயா, அச்சம் என்பது மடமையடா படங்களை தொடர்ந்து மூன்றாவது முறையாக சிம்பு, கெளதம் கூட்டணிக்கு இசையமைக்கவுள்ளார் ஏ.ஆர்.ரஹ்மான்.

சிம்பு, கெளதம் மேனன் இணையும் படத்திற்கு ஆரம்பத்தில் 'நதிகளிலே நீராடும் சூரியன்' என்ற தலைப்பிட்டிருந்தனர். அதன்பின்னர் படத்தின் டைட்டிலை மாற்றி பாரதியாரின் கவிதை வரிகளான 'வெந்து தணிந்தது காடு' என பெயர் வைத்தனர். அத்துடன் படத்தின் பர்ஸ்ட் லுக்கும் வெளியானது. அதில் சிம்புவின் லுக் பலருக்கு ஆச்சரியத்தை கொடுத்தது.
திரையரங்குகளில் வெளியாகும் சூர்யாவின் 'சூரரைப் போற்று': ரசிகர்கள் ஏமாற்றம்!
விண்ணைத்தாண்டி வருவாயா, அச்சம் என்பது மடமையடா படங்களை தொடர்ந்து மூன்றாவது முறையாக கெளதம், சிம்பு கூட்டணிக்கு ஏ.ஆர். ரஹ்மான் இசையமைப்பதால் 'வெந்து தணிந்தது காடு' படத்தின் பாடல்களுக்கு இப்போதே ரசிகர்கள் மத்தியில் எதிர்பார்ப்பு ஏற்பட்டுள்ளது. இந்நிலையில் இந்தப்படத்தின் இசை வெளியீட்டு உரிமையை திங்க் மியூஸிக் நிறுவனம் கைப்பற்றியுள்ளதாக அதிகாரப்பூர்வ அறிவிப்பு வெளியாகியுள்ளது.


முன்னதாக 'வெந்து தணிந்தது காடு' இறுதிக்கட்ட படப்பிடிப்பு நேற்று முதல் துவங்குவதாக தனது சமூக வலைதளத்தில் தெரிவித்து, கையில் துப்பாக்கியுடன் நிற்கும் அட்டகாசமான புகைப்படம் ஒன்றையும் வெளியிட்டிருந்தார் சிம்பு. 'மாநாடு' படத்தின் பிரம்மாண்ட வெற்றியால் உற்சாகத்தில் இருக்கும் சிம்பு ரசிகர்கள் 'வெந்து தணிந்தது காடு' படம் குறித்த அப்டேட் அடுத்தடுத்து வெளியாவதால் மகிழ்ச்சியில் உள்ளனர்.