தயாரிப்பாளர்களை தந்தையாக நினைக்கும் நடிகை!!

தயாரிப்பாளர்கள் அனைவருமே எனக்கு தந்தை மாதிரிதான் என்று நடிகை நிக்கி கல்ராணி கூறியுள்ளார்.

நடிகை நிக்கி கல்ராணி ‘கடவுள் இருக்கான் குமாரு’ படத்தில் ஜி.வி.பிரகாஷுக்கு ஜோடியாக நடித்துள்ளார். அந்தப் படத்தின் நடித்ததைப் நடிகை நிக்கி கல்ராணி கூறியதாவது:

‘‘நான் முழுநீள காமெடி படத்தில் நடித்து இருக்கிறேன். என்னுடன் இன்னொரு ஹீரோயினாக நடித்துள்ளார் ஆனந்தி. இப்போது நாங்கள் இருவம் நெருங்கிய தோழியாகிவிட்டோம். நான் பல மொழி படங்களில் நடித்தாலும் தமிழ்ப் படத்தில் நடிக்கும்போது பாதுகாப்பாக இருக்கிறேன் என்பதை உணர்கிறேன். யூனிட்டில் உள்ளவர்களுடன் பணியாற்றும்போது குடும்பத்துடன் இருப்பது போல் தோன்றுகிறது. ‘கடவுள் இருக்கான் குமாரு’ படத்தில் நடித்தபோது, ஜாலியாக குடும்பத்துடன் டூர் போய் வந்தது போல் இருந்தது. தயாரிப்பாளர் என்னை, செல்லமாக ‘பேபி’ என்றுதான் அழைப்பார். அவரை நான் தந்தையாகப் பார்க்கிறேன். என்னைப் போன்றே எல்லா நடிகைகளுக்கும் தயாரிப்பாளர்கள் தந்தை மாதிரிதான். அவர்கள் இல்லாமல் நடிகைகள் இல்லை, சினிமா இல்லை. அதனால், தயாரிப்பாளர்கள் மீது எனக்கு அதிக மரியாதை உண்டு’’ என்றார்.