Karthi: கைதி பார்ட் 2 படத்தின் கதை இதுதானாம்?

கார்த்தியின் கைதி படம் தீபாவளி பண்டிகையை முன்னிட்டு திரைக்கு வந்தது. ஆக்‌ஷன் த்ரில்லர் கதையை மையப்படுத்தி இப்படம் உருவாக்கப்பட்டிருந்தது. 5 நாட்களில் தமிழகத்தில் மட்டும் கைதி படம் ரூ.18.4 கோடி வரையில் வசூல் குவித்துள்ளது என்பது குறிப்பிடத்தக்கது.

Bigil Collection: ஏரியா வாரியாக முதலிடம் பிடித்த நடிகர்களின் பட்டியல் இதோ!

இந்த நிலையில், இப்படத்தின் 2 ஆம் பாகம் குறித்து இயக்குநர் லோகேஷ் கனகராஜ் அண்மையில் தகவல் வெளியிட்டார். அதில், டில்லி மீண்டும் வருவார் என்று குறிப்பிட்டிருந்தார். இதையடுத்து, இப்படத்தின் சக்சஸ் மீட் நடந்தது. அதில் பேசிய கார்த்தி, லோகேஷ் கனகராஜ் தன்னிடம் கைதி 2 படத்திற்காக 30 நாட்கள் கால்ஷீட் கேட்டுள்ளதாக கூறியுள்ளார். இதன் மூலம் கைதி 2 படம் உறுதியானது.

ரூ.200 கோடி வசூல் குவித்த பிகில், ஹாட்ரிக் ஹிட் கொடுத்த விஜய்!

இதில், படத்தின் கதை என்னவாக இருக்கும் என்று யோசிக்கும் போது, முதல் பாகத்தில் ரௌடிகளுடன் சண்டை போடும் போது லாரியிலிருந்து கீழே இறங்கி 10 வருடமாக ஜெயிலில் இருந்தது தானே தெரியும். அதற்கு முன் நான் என்ன பண்ணேனு தெரியாதுல என்று கூறுவது போன்று டிரைலரும், முதல் பாகமும் இருந்தது. மேலும், இப்படத்தின் கிளைமேக்ஸ் காட்சியில், சிறையில் இருந்து கொண்டு ஹரிஷ் உத்தமன், அவன் பேரு டில்லி என்று என்று கூறுவது போன்றும் காட்டப்பட்டிருந்தது.

திருமணத்திற்கு எனக்கு ஒரு பெண் தேவை: பிக் பாஸ் செல்லத்திற்காக வாய்ஸ் கொடுத்த அனிருத்

இந்த நிலையில், கார்த்தி 10 வருடம் என்ன செய்து கொண்டிருந்தார்? எதற்காக சிறைக்கு சென்றார்? அவரது மனைவி யார்? போதைப் பொருள் எப்படி பறிமுதல் செய்யப்பட்டது என்பது போன்ற பல கேள்விகளுக்கு பதிலளிக்கும் வகையில், கைதி படத்தின் 2 ஆம் பாகம் இருக்கும் என்று கூறப்படுகிறது.

முதல் பாகத்தில், ஹீரோயினும் இல்லை, டூயட் சாங்கும் இல்லை. ஆனால், 2 ஆம் பாகத்தில் கார்த்திக்கு ஜோடி இருப்பார் என்றும், சாங்கும் இருக்கும் என்றும் கூறப்படுகிறது. தற்போது இயக்குநர் லோகேஷ் கனகராஜ் இயக்கத்தில் விஜய் நடிப்பில் தளபதி 64 படம் உருவாகி வருகிறது. இப்படம் முடிந்த பிறகு கார்த்தியின் கைதி 2 படம் தொடங்கப்படும் என்று எதிர்பார்க்கப்படுகிறது.