இந்தாண்டு தியேட்டருக்குப் போய் அதிகம் பேர் பார்த்தப் படம் ‘கடைக்குட்டி சிங்கம்’!

பாண்டியராஜ் இயக்கத்தில் கார்த்தி நடிப்பில் சமீபத்தில் வெளியான படம் ‘கடைக்குட்டி சிங்கம்’. இந்தப் படம் இந்தாண்டு பல விநியோகஸ்தர்களின் வாழ்க்கையில் ஒளி ஏற்றி வைத்துள்ளதாக கூறப்படுகிறது. இந்தப் படம் குறைந்த பட்ஜெட்டில் எடுக்கப்பட்டது. ஆனால், அதிக வருமானத்தை தந்தது. இதனால் தயாரிப்பாளர், விநியோகஸ்தர்கள், தியேட்டர் உரிமையாளர்கள் அனைவரையும் சந்தோஷத்தில் ஆழ்த்தியுள்ளது.

‘கடைக்குட்டி சிங்கம்’ தான் இந்த வருடம் வெளிவந்த படங்களிலேயே தமிழகத்தில் அதிகம் பேர் பார்த்த படமாம். இப்படம் உலகம் முழுவதும் ரூ 75 கோடி வசூல் செய்துள்ளது, இதில் தமிழகத்தில் மட்டுமே ரூ 52 கோடி வரை இப்படம் வசூல் செய்துள்ளது குறிப்பிடத்தக்கது. இன்னும் தமிழகத்தில் பல இடங்களில் இப்படம் ஓடிக்கொண்டிருப்பது குறிப்பிடத்தக்கது.