Thunivu, Manju Warrier: அஜித்தால் துணிவு நடிகை மஞ்சுவுக்கு வந்த ஆசை: தப்பில்ல, தப்பில்ல

Ajith: அஜித்தின் துணிவு படத்தில் நடித்த மஞ்சு வாரியருக்கு வந்த ஆசை குறித்து அறிந்த ரசிகர்களோ, தப்பில்ல தப்பில்ல என அவரை ஊக்குவித்துள்ளனர்.

பிரபல நடிகையான மஞ்சு வாரியின் ஆசை என்னவென்பது தெரிய வந்துள்ளது. அது பற்றி அறிந்த அஜித் ரசிகர்கள் மகிழ்ச்சி அடைந்துள்ளனர்.

Samayam Tamil

துணிவு

ஹெச். வினோத் இயக்கத்தில் அஜித் குமார் நடிப்பில் ஜனவரி 11ம் தேதி வெளியான துணிவு படத்தில் முக்கிய கதாபாத்திரத்தில் நடித்திருந்தார் பிரபல மலையாள நடிகையான மஞ்சு வாரியர். அவருக்கு கொடுத்த கதாபாத்திரத்தை உணர்ந்து நடித்திருந்தார். குறிப்பிட்ட ஆக்ஷன் காட்சியில் ரசிகர்களின் கைதட்டல்களை பெற்றார் மஞ்சு. இந்நிலையில் அவருக்கு ஒரு ஆசை ஏற்பட்டிருக்கிறது.

ரைடிங்

துணிவு படத்தில் நடித்தபோது அஜித் தன் ஸ்போர்ட்ஸ் பைக்கை எடுத்துக் கொண்டு ரைடிங் சென்றார். நீங்களும் வாங்களேன் என அவர் மஞ்சு வாரியரிடம் கூறியிருக்கிறார். ஓகே, வருகிறேன் என மஞ்சுவும் சந்தோஷமாக கிளம்பிச் சென்றார். அந்த பைக் பயணத்தின்போது எடுத்த புகைப்படங்களை இன்ஸ்டாகிராமில் வெளியிட்டு தன் மகிழ்ச்சியை ரசிகர்களுடன் பகிர்ந்து கொண்டார்.

அஜித்

அஜித் மற்றும் அவர் குழுவுடன் சேர்ந்து ரைடிங் சென்ற முதல் நடிகை மஞ்சு வாரியர் தான். லே-லடாக், காஷ்மீர் என 2 ஆயிரத்து 500 கிலோமீட்டர் பயணம் செய்தார். ரைடிங் வாங்க என அஜித் தன்னை அழைப்பார் என்று எதிர்பார்க்கவே இல்லை என்றார் மஞ்சு. மழை முதல் பனிமழை வரை பார்த்தேன். ரைடிங் சென்ற அனைவரும் சேஃப்டி கியர் அணிந்திருக்க வேண்டும் என்பதில் அஜித் கவனமாக இருந்ததாக மஞ்சு மேலும் தெரிவித்தார்.

பிஎம்டபுள்யூ பைக்

அந்த பைக் ரைடிங்கிற்கு பிறகு கேரளா திரும்பிய மஞ்சு 2 சக்கர வாகன லைசென்ஸ் எடுத்திருக்கிறார். 2 நாட்களுக்கு முன்பு லைசென்ஸ் வாங்கியிருக்கிறார். இந்நிலையில் பிஎம்டபுள்யூ பைக் வாங்கி, அஜித் குமாருடன் சேர்ந்து மீண்டும் ரைடிங் செல்ல ஆசைப்படுகிறார் மஞ்சு வாரியர் என தகவல் வெளியாகியுள்ளது. அஜித்துடன் சேர்ந்தால் ஸ்போர்ட்ஸ் பைக் வாங்கி ரைடிங் செல்லும் ஆசை தான் ஏற்படும். அதில் தவறு இல்லை என்கிறார்கள் ரசிகர்கள்.

பாடம்

அஜித்துடன் ரைடிங் சென்றது பற்றி செய்தியாளர்களிடம் மஞ்சு கூறியதாவது, ரைடிங் போனபோது நான் 5 முறை கீழே விழுந்தேன். அப்படி கீழே விழும்போது என்ன செய்ய வேண்டும் என்பது தான் அஜித் எனக்கு சொல்லிக் கொடுத்த முதல் பாடம். நாங்கள் டென்ட்டுகள், கட்டி முடிக்கப்படாத கட்டிடங்கள், காஷ்மீரில் சிறு ஹோட்டல்களில் தங்கினோம். சில நேரங்களில் உணவு கிடைப்பது பிரச்சனையாக இருந்தது. ஆனால் அது எங்களுக்கு பெரிய விஷயமாக தெரியவில்லை என்றார். இதற்கிடையே துணிவு படம் உலக அளவில் ரூ. 150 கோடி வசூல் செய்துள்ளதால் ரசிகர்கள் சந்தோஷத்தில் இருக்கிறார்கள்.