Thunivu: வசூலில் புது சாதனை படைத்த துணிவு: அஜித் கெரியரிலேயே இது தான் முதல் முறை

Thunivu Collection:அஜித் குமார் நடிப்பில் வெளியாகி ரசிகர்களை கவர்ந்த துணிவு படம் வசூலில் செய்திருக்கும் சாதனை குறித்து அறிந்த ரசிகர்களால் சந்தோஷப்படாமல் இருக்க முடியவில்லை.

Ajith: துணிவு படம் செய்திருக்கும் சாதனை குறித்து அறிந்த அஜித் குமாரின் ரசிகர்கள் இது வெறும் ஆரம்பம் தான் என்று தெரிவித்துள்ளனர்.

Samayam Tamil

துணிவு

நேர்கொண்ட பார்வை, வலிமை ஆகிய படங்களை அடுத்து ஹெச். வினோத், அஜித் குமார் கூட்டணியில் வெளியான படம் துணிவு. பொங்கல் பண்டிகையை மனதில் வைத்து ஜனவரி 11ம் தேதி துணிவு படத்தை ரிலீஸ் செய்தார்கள். இரவு 1 மணிக்கே துணிவு படத்தை பார்க்க வாய்ப்பு கிடைத்ததில் ரசிகர்கள் படுகுஷியாகிவிட்டார்கள். ரிலீஸான நாளில் இருந்து வசூல் வேட்டை நடத்தி வருகிறது துணிவு. இந்நிலையில் தான் அந்த தகவல் வெளியாகியிருக்கிறது.

சாதனை

வட அமெரிக்காவில் மட்டும் துணிவு படம் 1 மில்லியன் டாலர்கள் வசூல் செய்திருக்கிறது. வெளிநாடுகளில் துணிவுக்கு அமோக வரவேற்பு கிடைத்துள்ளது. வெளிநாடுகளில் அதிகம் வசூல் செய்த அஜித் படமாக துணிவு அமைந்துவிட்டது. இந்த தகவலை துணிவை வெளிநாடுகளில் ரிலீஸ் செய்த லைகா நிறுவனம் சமூக வலைதளத்தில் தெரிவித்துள்ளது. இந்த தகவல் அஜித் ரசிகர்களுக்கு மகிழ்ச்சி அளித்துள்ளது.

வசூல்

துணிவு படம் ரிலீஸான 5 நாட்களில் உலக அளவில் ரூ. 150 கோடி வசூல் செய்தது. நேற்று அதாவது ஜனவரி 17ம் தேதி இந்தியாவில் மட்டும் சுமார் ரூ. 10 கோடி வசூல் செய்திருக்கிறது. ரூ. 200 கோடி வசூலை நோக்கிச் சென்று கொண்டிருக்கிறது துணிவு. தமிழகத்தில் இன்று விடுமுறை என்பதால் துணிவு படத்தின் வசூல் மேலும் அதிகரிக்கும் என்று நம்பப்படுகிறது.

Thunivu: ரூ.150 கோடி வசூலித்த துணிவு: வசூலில் சொல்லி அடிக்கும் கில்லி

வாரிசு

இந்த பொங்கலுக்கு துணிவு படம் மட்டும் ரிலீஸாகவில்லை. வம்சி பைடிபல்லி இயக்கத்தில் தளபதி விஜய், ரஷ்மிகா மந்தனா, சரத்குமார், ஜெயசுதா, ஷாம் உள்ளிட்டோர் நடித்த வாரிசு படமும் ரிலீஸானது. துணிவை போன்றே வாரிசும் ரிலீஸான 5 நாட்களில் உலக அளவில் ரூ. 150 கோடி வசூல் செய்திருக்கிறது. சேர்ந்து வந்த துணிவும், வாரிசும் சேர்ந்தே வசூல் வேட்டை நடத்தி வருகின்றன என்பது குறிப்பிடத்தக்கது.

ரசிகர்கள்

துணிவு படம் அஜித் ரசிகர்களுக்கு மட்டும் அல்ல பிற ரசிகர்களுக்கும் பிடித்திருக்கிறது. அஜித்தின் டான்ஸை பார்த்தவர்கள் அவரை பாராட்டினார்கள். மேலும் அஜித் தன் கெரியரிலேயே சிறப்பான நடிப்பை துணிவில் வெளிப்படுத்தியிருக்கிறார் என்று விமர்சனம் எழுந்தது. துணிவு படம் ரிலீஸான கையோடு அதை ஆன்லைனில் கசியவிட்டது தமிழ் ராக்கர்ஸ். இருப்பினும் துணிவு படத்தை பார்க்க தியேட்டருக்கு செல்வோரின் எண்ணிக்கைக்கு குறைவில்லை.