Varisu vs Thunivu: யாரு நம்பர் ஒன்.?: தில் ராஜுவிற்கு தரமான பதிலடி கொடுத்த போனி கபூர்.!

வாரிசு, துணிவு படங்களின் மோதல் திரையுலக வட்டாரத்தினர் மத்தியில் பரபரப்பை கிளப்பியுள்ளது. இந்த இரண்டு படங்களின் போட்டியை விஜய் vs அஜித் என கொண்டு வந்துவிட்டனர் திரையுலகினர். பத்திரிக்கையாளர்கள் திரையுலகை சேர்ந்த யாரை கண்டாலும் பொங்கலுக்கு துணிவு, வாரிசு இரண்டு படங்களில் எதை முதலில் பார்ப்பீர்கள் என கேள்வி கேட்டு துளைத்து வருகின்றனர்.

அந்தளவிற்கு வாரிசு, துணிவு படங்களின் மோதல் களைக்கட்டியுள்ளது. 'பீஸ்ட்' பட ரிலீசுக்கு பின் வம்சி பைடிபல்லி இயக்கத்தில் ‘வாரிசு’ படத்தில் நடித்துள்ளார் விஜய். இந்த்ப்படத்தினை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்துள்ளது. விஜய் ஜோடியாக ராஷ்மிகா நடித்துள்ள இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

அதே போல் எச். வினோத் இயக்கத்தில் அஜித் நடிக்கும் 'துணிவு' படமும் பொங்கலன்று வெளியாகவுள்ளது. நேர்கொண்ட பார்வை, வலிமை படங்களை தொடர்ந்து மூன்றாவது முறையாக எச். வினோத், அஜித், போனி கபூர் கூட்டணி துணிவில் இணைந்துள்ளது. இந்தப்படத்தை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் தமிழக முழுவதும் ரிலீஸ் செய்யும் உரிமையை கைப்பற்றியுள்ளது.

இந்நிலையில் அண்மையில் பேட்டி ஒன்றில் பேசிய 'வாரிசு' பட தயாரிப்பாளர் தில் ராஜு, தமிழ்நாட்டில் விஜய் தான் நம்பர் 1 ஹீரோ, அதனால் வாரிசு படத்திற்கு அதிகம் தியேட்டர் கொடுக்க வேண்டும். ஒரு மாஸ் ஹீரோ என்ற அடையாளம் படம் வெளியாகும் போது தியேட்டரில் ரசிகர்களால் கிடைக்கும் வரவேற்பை பொறுத்தே தீர்மானிக்கப்படுகிறது.

Varisu, Rashmika: அடேங்கப்பா.. 'வாரிசு' படத்துக்காக ராஷ்மிகாவுக்கு இத்தனை கோடி சம்பளமா..?

அதன்படி பார்த்தால் விஜய்யின் கடைசி படங்கள் 60 கோடிக்கும் மேல் வருமானம் கொடுத்துள்ளது. இவ்வாறு தெரிவித்திருந்தார் தில் ராஜு. இதனையடுத்து அவரின் பேச்சுக்கு பலரும் எதிர்ப்பு தெரிவித்தனர். இதை வைத்து யார் நம்பர் ஒன் என்ற விவாதம் சோஷியல் மீடியாவில் பரபரத்தது. இந்நிலையில் இந்த விவகாரம் தொடர்பாக 'துணிவு' பட தயாரிப்பாளர் போனி கபூர் பேட்டி ஒன்றில் பேசியுள்ளார்.

அதில், "விஜய் நம்பர் ஒன் என்று தில் ராஜு கூறுவது அவரின் மனநிலை. நம்பர் ஒன் என்பதில் எனக்கு எந்த நம்பிக்கையும் இல்லை. என்னைப் பொறுத்தவரை கன்டென்ட் தான் நம்பர் ஒன். லவ் டுடே எப்படி இவ்வளவு பெரிய ஹிட் ஆனது. கன்டென்ட் இல்லையென்றால் 'பொன்னியின் செல்வன்', 'லவ் டுடே' இவ்வளவு பெரிய ஹிட் ஆகியிருக்காது" என்று தெரிவித்துள்ளார். அவரின் இந்த பேட்டி இணையத்தில் வைரலாகி வருகிறது.

Rajini vs Vijay: யார் சூப்பர் ஸ்டார்..?: பிரபல நடிகர் அதிரடி கருத்து.!