‘டிக் டிக் டிக்’ படத்தின் டிரைலர் நவ. 24ல் வெளியீடு!

ஜெயம் ரவி நடிப்பில் உருவாகி வரும் ‘டிக் டிக் டிக்’ படத்தின் டிரைலர் இம்மாதம் 24ம் தேதி வெளியாகவுள்ளது.

இயக்குனர் சக்தி சௌந்தர்ராஜன் இயக்கத்தில் ஜெயம் ரவி நடிப்பில் உருவாகி வரும் படம் ‘டிக் டிக் டிக்’. இந்தப் படத்தின் டிரைலர் நவம்பர் 24-ம் தேதி வெளியாகும் என்று அதிகாரப்பூர்வமாக அறிவிக்கப்பட்டுள்ளது.

மிருதன்’ படத்தின் மூலமாக கவனம் ஈர்த்த சக்தி சௌந்தர்ராஜன் இயக்கத்தில் ஜெயம் ரவி, நிவேதா பெத்துராஜ், ஆரோன் அஜீஸ் உள்ளிட்டோர் நடித்துள்ள படம் ‘டிக் டிக் டிக்’. இந்த படத்தில் ஜெயம் ரவியின் மகன் ஆரவ் முக்கிய கதாபாத்திரத்தில் நடித்துள்ளார்.

இந்தப் படத்தை ஜபக் தயாரித்துள்ளார். படத்துக்கு டி.இமான் இசையமைத்துள்ளார். அதிக பொருட்செலவில் உருவாகவிருக்கும் த்ரிலர் படம். இந்தப் படத்திற்காக சென்னையில் பிரம்மாண்டமான அரங்குகள் அமைத்து படப்பிடிப்புகள் நடைபெற்றன. இந்தியாவின் முதல் விண்வெளிப் படம் இதுவாகத்தான் இருக்கும்.