விஜய் ஆண்டனியுடன் நடிக்க தமிழ், தெலுங்கு தெரிந்திருக்க வேண்டுமாம்!?

விஜய் ஆண்டனி படத்தில் நடிக்க தமிழ் மற்றும் தெலுங்கு இரண்டும் மொழிகளும் கண்டிப்பாக தெரிந்திருக்க வேண்டுமாம்.

சினிமா வாழ்க்கையில் விஜய் ஆண்டனிக்கு ‘பிச்சைக்காரன்’ முக்கியமான படம். தமிழில் உருவான அப்படம் தெலுங்கில் டப் செய்யப்பட்டு வெளியாகி மிகப்பெரிய வெற்றி பெற்றது. அதனால் அதையடுத்து விஜய் ஆண்டனி நடித்த ‘சைத்தான்’, ‘எமன்’ என்ற இரண்டு படங்களுமே தமிழைப்போலவே தெலுங்கிலும் அதிகப்படியான தியேட்டர்களில் வெளியானது.

அதனால் இப்போது விஜய் ஆண்டனி நடிக்கும் படங்களுக்கு தெலுங்கிலும் ஒரு பெரிய வியாபாரம் இருக்கிறது.இந்த நிலையில், தற்போது அவர் ராடான் டிவி தயாரிப்பில் நடிக்கும் ‘அண்ணாதுரை’ படம் தமிழ், தெலுங்கு என இருமொழிப்படமாக தயாரிக்கப்படுகிறது.

அதனால் இந்த படத்தில் தமிழ் மட்டுமின்றி தெலுங்கு மொழியும் தெரிந்த நடிகர் நடிகைகளாக தேடிப்பிடித்து இணைத்து வருகிறார்கள். இதன் காரணமாக விஜய் ஆண்டனி படங்களில் தொடர்ந்து இடம்பெற்று வந்த சில முக்கிய தமிழ் நடிகர்களுக்கு தெலுங்கு தெரியாததால் அவர்களுக்கு வாய்ப்பு வழங்கப்படவில்லை.