ஐராவில் லேடி சூப்பர்ஸ்டாருக்கு தங்கச்சியான விஜய் சேதுபதியின் – உதவியாளர்!

நயன்தாரா நடிப்பில் உருவாகியுள்ள ஐரா படத்தில் அவருக்கு தங்கையாக திருநங்கை ஒருவர் நடித்துள்ளார் என்று தகவல் வெளியாகியுள்ளது.

தமிழ் சினிமாவில் முன்னணி நடிகைகளில் நம்பர் ஒன் நடிகையாக இருப்பவர் லேடி சூப்பர் ஸ்டார் நயன்தாரா. தொடர்ந்து கதைக்கு முக்கியத்துவம் உள்ள படங்களில் மட்டும் நடித்து வருகிறார். இவரது நடிப்பில் வரும் படங்கள் எல்லாமே ஹிட்டோ ஹிட் என்று சொல்லும் அளவிற்கு ரசிகர்களிடையே நல்ல வரவேற்பு பெற்றுள்ளது.

இந்த நிலையில், லட்சுமி மற்றும் மா ஆகிய குறும்படங்களின் இயக்குனர் சர்ஜூன் இயக்கத்தில் நயன் தாரா முதன் முதலாக இரட்டை வேடங்களில் நடித்துள்ள படம் ஐரா. அண்மையில், இப்படத்தின் டீசர் வெளியாகி ரசிகர்களிடையே நல்ல வரவேற்பைப் பெற்றது. இப்படத்தின் படப்பிடிப்பு முடிக்கப்பட்ட நிலையில், போஸ்ட் புரோடக்‌ஷன் பணிகள் விறுவிறுப்பாக நடந்து வருகிறது.

இந்த நிலையில், இப்படத்தில் நயன்தாராவுக்கு சகோதரியாக திருநங்கை ஜீவா நடித்துள்ளார் என்று தகவல் வெளியாகியுள்ளது. இதற்கு முன்னதாக ஜீவா நடிகர் விஜய் சேதுபதி நடிப்பில் வந்த தர்மதுரை படத்தில் துணை நடிகையாக நடித்துள்ளார். அதாவது, மருத்துவரான விஜய் சேதுபதியின் மருத்துமனையில் கம்பவுண்டராக நடித்துள்ளார் என்பது குறிப்பிடத்தக்கது.