தீபாவளியன்று மோதும் மூன்று தலைகள்!

வரும் தீபாவளியன்று மூன்று தலைகளின் படங்களின் பர்ஸ்ட் லுக் போஸ்டர் வெளியாகவுள்ளன.

ஏ.ஆர். முருகதாஸ் தெலுங்கு சூப்பர் ஸ்டார் மகேஷ்பாபுவை வைத்து தமிழ் மற்றும் தெலுங்கு என இரு மொழிகளில் ஒரு படத்தை இயக்கிவருகிறார். படத்திற்குக்கூட தலைப்பு ‘வாஸ்கோடகாமா’ என வைத்துள்ளதாக செய்திகள் வெளியானது. இந்தப்படத்தில் ராகுல் ப்ரீத் சிங் நாயகியாக நடிக்கிறார்.

இப்படத்தின் முதற்கட்ட படப்பிடிப்பு ஐதராபாத்தில் கடந்த மாதம் தொடங்கி விறுவிறுப்பாக நடந்து வருகிறது. மேலும் அடுத்தக்கட்ட படப்பிடிப்பை சென்னையில் ஈ.வி.பி. பூங்காவில் மிகப்பெரிய செட் போட்டு படப்பிடிப்பு நடத்த முடிவு செய்துள்ளனர் படக்குழுவினர். மேலும் படப்பிடிப்பை தொடர்ந்து 40 நாட்கள் நடத்தவும் திட்டமிட்டுள்ளனர்.

ஏ.ஆர். முருகதாஸ் இயக்கத்தில் மகேஷ் பாபு நடிக்கும் படத்தின் பர்ஸ்ட் லுக் போஸ்டரை வரும் தீபாவளி அன்று வெளியிட படக்குழுவினர் எண்ணியுள்ளனர். அதுபோல் ‘விஜய் 60’ படத்தின் பர்ஸ்ட் லுக் போஸ்டர் மற்றும் அஜீத் ‘தல 57’வது படத்தின் பர்ஸ்ட் லுக் போஸ்டரும் அன்றுதான் வெளியாகவுள்ளது. இந்த ஆண்டு தீபாவளியன்று மூன்று பெருந்தலைகளும் மோதவுள்ளன. அவரவர் ரசிகர்களுக்கு இது தீபாவளி விருந்தாக இருக்கும்.