என் படத்தில் த்ரிஷாவும் இல்லை; பிரியா வாரியரும் இல்லை: நலன்குமாரசாமி!

என்னுடைய அடுத்த படத்தில் த்ரிஷாவும் நடிக்கவில்லை, பிரியா வாரியரும் நடிக்கவில்லை என்று நலன் குமாரசாமி உறுதிப்படுத்தியுள்ளார்.

நடிகர் விஜய் சேதுபதியை வைத்து ‘சூது கவ்வும்,’ ‘காதலும் கடந்து போகும்’ ஆகிய வெற்றிப் படங்களை இயக்கியவர் நலன் குமாரசாமி. மேலும் இவர் ‘மாயவன்’ மற்றும் ‘சூப்பர் டீலக்ஸ்’ ஆகிய படங்களுக்கு திரைக்கதை எழுதியுள்ளார். அடுத்து அவர் இயக்கும் படத்தில், மலையாள படமான ‘ஒரு அடார் லவ்’ டீசர் மூலம் இந்தியா முழுவதும் பிரபலமான நடிகை பிரியா வாரியர் ஹீரோயினாக நடிப்பதாக ஒரு தகவல் வெளியானது.

இதுபற்றி இயக்குனர் நலன் குமாரசாமியிடம் கேட்டபோது, ‘‘இது உண்மை இல்லை. எனது அடுத்த படத்துக்கான கதை தற்போது தயாராகி விட்டது. ஹீரோ, ஹீரோயின் இன்னும் முடிவாகவில்லை. இதற்குமுன், எனது படத்தில் த்ரிஷா நடிப்பதாகவும் தகவல் வெளியானது. இப்போது பிரியா வாரியர் நடிப்பதாகச் சொல்கிறார்கள். இது எதுவும் உண்மை இல்லை’ என்றார் இயக்குனர் நலன் குமாரசாமி.