தீபாவளிக்கு டிரெண்டான த்ரிஷாவின் மஞ்சள் நிற சுடிதார்!

நடிகை த்ரிஷா தமிழ் சினிமாவில் முன்னணி நடிகையாக இருந்து வருகிறார். இவர் நயன்தாராவுக்கு அடுத்த இடத்தில் இருக்கிறார். இவர் அஜித், விஜய், விக்ரம் உட்பட பல முன்னணி நடிகர்களின் படங்களில் நடித்துள்ளார். தற்போது இவர் ரஜினியுடன் முதன் முதலாக இணைந்து ‘பேட்ட’ படத்தில் நடித்து வருகிறார். இந்தப் படத்தை கார்த்திக் சுப்புராஜ் இயக்கி வருகிறார். இதனால் இந்தப் படத்திற்கு சற்று கூடுதல் எதிர்பார்ப்பு உள்ளது.

இந்நிலையில் அண்மையில் த்ரிஷா, விஜய் சேதுபதி நடிப்பில் ‘96’ என்ற படம் வெளியானது. இந்தப் படம் ரசிகர்கள் மத்தியில் நல்ல எதிர்பார்ப்பும், வசூலையும் வாரி குவித்து வருகிறது.

இப்படத்தில் நடிகை த்ரிஷா, மஞ்சள் நிற சுடிதார் காஸ்ட்யூம் அணிந்திருப்பார். அது தற்போது ட்ரெண்டாகி விட்டது. தீபாவளி ஸ்பெஷலாக அந்த சுடிதார்கள் பல கடைகளில் விற்பனைக்கு வைத்துள்ளனர். இதை பலரும் விரும்பி வாங்கி வருகின்றனர். இதை த்ரிஷாவும் தன் ட்விட்டரில் பதிவிட்டுள்ளார்.