த்ரிஷாவின் அசத்தலான டான்ஸ்! வைரலாகும் டிக்டாக் வீடியோ

நடிகை த்ரிஷா சினிமாவில் நடிக்க துவங்கி 18 வருடங்களுக்கு மேல்ஆகிவிட்டது. அவர் தற்போதும் முன்னணி நடிகைகளில் ஒருவராகத் தான் இருக்கிறார். அவர் கைவசம் தற்போது அரை டஜன் படங்கள் உள்ளன.

அடுத்து அவர் மணிரத்னம் இயக்கத்தில் பொன்னியின் செல்வன் படத்தில் நடிக்கவுள்ளார். அதற்காக அவர் பொன்னியின் செல்வன் நாவலை படித்து வருவதாக சில மாதங்கள் முன்பே கூறியிருந்தார் அவர்.

தற்போது கொரோனா லாக்டவுன் காரணமாக படங்கள் ஷூட்டிங் எதுவும் நடைபெறவில்லை. அதனால் த்ரிஷா தனது வீட்டிலேயே இருக்கிறார்.

அவர் சமீபத்தில் டிக்டாக்கில் இணைந்த நிலையில் தற்போது அடிக்கடி அதில் வீடியோக்களை பதிவேற்றி வருகிறார். தற்போது அவர் Cannibal என்ற பாடலுக்கு நடனம் ஆடி டிக்டாக்கில் வீடியோ வெளியிட்டு உள்ளார். அது ரசிகர்களை கவர்ந்து வருகிறது.

தற்போது வரை 2.6 மில்லியன் ரசிகர்களுக்கும் மேல் அந்த விடியோவை பார்த்துள்ளனர். ஒன்றரை லட்சத்திற்கும் அதிகமான ரசிகர்கள் அதை லைக் செய்துள்ளனர்.

@trishakrishnan Clearly I miss the camera 🎥 😅 ##cannibal ##tiktok ##tiktokindia ♬ original sound - elizaminorr
கொரோனா தடுப்பு நடவடிக்கையாக இந்தியா முழுவதும் மே 3ம் தேதி வரை ஊரடங்கு போடப்பட்டுள்ளது. அதன் காரணமாக தங்களுக்கு கிடைத்துள்ள நேரத்தினை பிரபலங்கள் பல விதமாக செலவழித்து வருகின்றனர்.

உடற்பயிற்சி செய்வது, சமைப்பது, வீட்டை சுத்தம் செய்வது என பல விஷயங்கள் செய்கின்றனர். த்ரிஷா நடனம் ஆடி வீடியோ வெளியிட்டு தனது ரசிகர்களையும் குஷிப்படுத்தியுள்ளார்.