சூறாவளி வசூலில் ‘என்.ஜி.கே’ - வாயை பிளக்க வைக்கும் சென்னை பாக்ஸ் ஆபிஸ்!

செல்வராகவன் இயக்கத்தில் சூர்யா நடிப்பில் வெளியாகி திரையரங்குகளில் வெற்றிகரமாக ஓடிக் கொண்டிருக்கும் திரைப்படம் ‘என்.ஜி.கே’. இதில் சாய் பல்லவி, ரகுல் பிரீத் சிங் உள்ளிட்டோர் நடித்துள்ளனர்.

இப்படத்திற்கு கலவையான விமர்சனங்கள் முன்வைக்கப்பட்டு வருகின்றன. இந்நிலையில் தங்கள் படத்திற்கு ஆதரவளித்த அனைவருக்கும் நன்றி என செல்வராகவன் தெரிவித்துள்ளார்.

ஒருபுறம் எதிர்மறை விமர்சனங்கள் அதிகம் கூறப்பட்டாலும், வசூலில் நல்ல நிலையிலேயே காணப்படுகிறது. சென்னையைப் பொறுத்தவரை முதல் நாளில் ரூ.1.03 கோடியும், 2வது நாளில் ரூ.1.07 கோடியும் வசூல் ஈட்டியுள்ளது.

இது சென்னை மாநகரில் பெரிய அளவில் சூர்யா படத்திற்கு நல்ல வரவேற்பு இருப்பதையே காட்டுகிறது. இதேபோல் அமெரிக்காவில் இரண்டு நாட்களில் ரூ.81.37 லட்சம் வசூல் செய்துள்ளது.

இன்று விடுமுறை தினம் என்பதால், பொதுமக்கள் அதிகளவில் படம் பார்க்க திரையரங்குகளுக்கு படையெடுப்பர் என்று எதிர்பார்க்கப்படுகிறது. இதனால் வசூல் பெருமளவு கூடும் என்று கூறப்படுகிறது.