அடிப்படையில் அரசியல்வாதியான உதயநிதி குருவி படத்தின் மூலம் தயாரிப்பாளரானார். பின்பு நடிக்கும் ஆசை வரவே ஒரு கல் ஒரு கண்ணாடி படத்தின் மூலம் ஹீரோவானார் உதயநிதி.
அதன்பின் நிமிர், சைக்கோ என மாறுபட்ட கதைக்களத்தில் நடித்துவருகிறார். நடிகராக மட்டுமில்லாமல் தற்போது சட்டமன்ற உறுப்பினராகவும் செயல்பட்டுவருகிறார் உதயநிதி.
இந்நிலையில் அருண்ராஜா காமராஜ் இயக்கத்தில் போனி கபூர் தயாரிப்பில் நெஞ்சுக்கு நீதி படத்தில் நடித்துக்கொண்டிருக்கும் வேலையில் மற்றுமொரு படத்திலும் ஒப்பந்தமாகியுள்ளார்.
பரியேறும் பெருமாள், மற்றும் கர்ணன் படங்களை இயக்கிய மாறி செல்வராஜ் இயக்கத்தில் நடிக்கவுள்ளார் உதயநிதி.
கீர்த்தி சுரேஷ் நாயகியாக நடிக்கும் இப்படத்தில் FAHADH FAASIL முக்கிய வேடத்தில் நடிக்கின்றார். மேலும் வைகைப்புயல் வடிவேலு முதன்முதலில் உதயநிதியுடன் இப்படத்தில் நடிக்கவிருக்கிறார். இசைப்புயல் A R ரஹ்மான் இசையமைக்கும் இப்படத்தின் படப்பிடிப்பு இம்மாத இறுதியில் துவங்கும் என்று எதிர்பார்க்கப்படுகிறது.