உதயநிதி பாராட்டிய இளையசெல்வம்! அப்படி என்ன செய்தார் தெரியுமா?

தயாரிப்பாளரும், நடிகருமான உதயநிதி ஸ்டாலின், மிஸ்கின் இயக்கத்தில் உருவான சைக்கோ படத்தில் பார்வையற்ற கதாநாயகனாக நடித்திருந்தார். அவரது நடிப்பை பலரும் பாராட்டினர். இந்நிலையில் அவர், தான் சந்தித்த லயோலா கல்லூரி மாணவர்களுள் ஒருவரின் குரலில் உருகிப் போனதாக ட்விட்டர் பக்கத்தில் பதிவிட்டுள்ளார்.

லாயோ கல்லூரியில் பி ஏ ஆங்கில இலக்கியம் படித்துவரும் பார்வையற்ற மாற்றுத் திறனாளி மாணவர்களில் ஒருவரான இளையசெல்வம் என்பவர், உன்ன நெனச்சு நெனச்சு பாடலை பாடிக் காட்டியுள்ளார். அவர் பாடிய வீடியோவை ட்விட்டரில் வெளியிட்டுள்ளார் உதய்.



இதுகுறித்து உதயநிதி ஸ்டாலின் தனது ட்விட்டர் கணக்கில் தெரிவித்துள்ளதாவது,

"‘நாங்கள் லயோலா மாணவர்கள், பார்வையற்ற மாற்றுத்திறனாளிகள். ‘சைக்கோ’ பார்த்தோம். உங்களை சந்திக்கவேண்டும்’ என்றனர். சந்தித்தேன். பி.ஏ ஆங்கில இலக்கிய மாணவர் இளையசெல்வம், ‘உன்ன நெனச்சுநெனச்சு உருகிப்போனேன்’ பாடினார். உண்மையில் உருகித்தான் போனேன். நன்றி ராஜா சார்.

என்று குறிப்பிட்டுள்ளார்.

இளையராஜா இசையில் உருவாகியுள்ள இந்த பாடல் இளைஞர்கள், பெரியவர்கள் என அனைத்து வயதினரையும் ஈர்த்தது. படத்தில் பார்வையற்றவராக நடித்திருந்த உதய், இந்த பாடலுக்கு நடித்திருப்பார். உதயநிதி ஸ்டாலின் தயாரிப்பாளர், நடிகர் மட்டுமல்லாது அரசியலிலும் ஈடுபட்டு வருகிறார் என்பது குறிப்பிடத்தக்கது.