வெறித்தனமா வசூல் செய்யும் சைக்கோ: சென்னையில் மட்டும் எத்தனை கோடி தெரியுமா?

மிஷ்கின் இயக்கத்தில் உதயநிதி ஸ்டாலின், நித்யா மேனன், அதிதி ராவ் ஹைதரி, ராம் உள்ளிட்டோர் நடித்த சைக்கோ படம் கடந்த 24ம் தேதி வெளியாகி வெற்றிகரமாக ஓடிக் கொண்டிருக்கிறது. படத்தை பார்த்த அனைவரும் பாராட்டிக் கொண்டிருக்கிறார்கள்.

பார்வையற்றவராக உதயநிதி ஸ்டாலின் சிறப்பான நடிப்பை வெளிப்படுத்தியுள்ளார். இந்நிலையில் படத்தின் வசூல் விபரம் வெளியாகத் துவங்கியுள்ளது. சைக்கோ ரிலீஸான அன்று சென்னையில் மட்டும் ரூ. 44 லட்சம் வசூல் செய்துள்ளது. தமிழகத்தில் ஒரே நாளில் ரூ. 2.3 கோடி வசூலித்துள்ளது சைக்கோ.

வார இறுதி நாட்களில் சைக்கோவை பார்க்க தியேட்டருக்கு சென்றவர்களின் எண்ணிக்கை அதிகம். வார இறுதி நாட்கள் முடிந்த நிலையில் சைக்கோ சென்னை பாக்ஸ் ஆபீஸில் மட்டும் ரூ. 1.44 கோடி வசூல் செய்துள்ளது.

Vijay மாஸ்டர் மூன்றாவது லுக்: சத்தியமா முடியலங்கண்ணா

சைக்கோ படத்தை பார்க்கும் அனைவரும் அதிதி ராவ் ஹைதரியின் நடிப்பை புகழ்ந்து தள்ளிக் கொண்டிருக்கிறார்கள். இதை பார்த்த அவர் அனைவருக்கும் நன்றி தெரிவித்துள்ளார். சைக்கோவுக்கு அமோக ஆதரவு கொடுத்த அனைவருக்கும் உதயநிதி ஸ்டாலினும் நன்றி தெரிவித்துள்ளார்.

படத்திற்கு பெரிய பலமாக இசைஞானி இளையராஜாவின் இசை அமைந்துள்ளது. த்ரில்லர் படம் என்றால் தமிழ் சினிமா ரசிகர்களுக்கு மிகவும் பிடிக்கும். இந்நிலையில் வெளியான சைக்கோவை ரசிகர்கள் கொண்டாடிக் கொண்டிருக்கிறார்கள்.