‘மேயாத மான்’ நடிகைகளுடன் இணையும் உதயநிதி ஸ்டாலின்!

‘மேயாத மான்’ நடிகைகள் பிரியா பவானி சங்கர் மற்றும் இந்துஜாவுடன் ஜோடி சேர்ந்து நடிக்கவுள்ளார் நடிகர் உதயநிதி ஸ்டாலின்.

தற்போது சீனு ராமசாமி இயக்கத்தில் ‘கண்ணே கலைமானே’ என்ற படத்தில் நடிகர் உதயநிதி ஸ்டாலின் நடித்து வருகிறார். இந்தப் படத்தில் தமன்னா, உதயநிதிக்கு ஜோடியாக நடிக்கிறார். இந்தப் படத்தின் படப்பிடிப்பு தற்போது கொடைக்கானலில் நடைபெற்று வருகிறது. இன்னும் இரண்டு மூன்று நாட்களில் இந்தப் படப்பிடிப்பு நிறைவடைகிறது.

அதைத் தொடர்ந்து இயக்குனர் ஈனாக் இயக்கத்தில் ஒரு படத்தில் நடிக்கவுள்ளார். இந்தப் படத்தில் இவருக்கு ஜோடியாக ‘மேயாதமான்’ படத்தில் நடித்த நாயகிகள் பிரியா பவானி சங்கர் மற்றும் இந்துஜா ஆகியோர் நடிக்கவுள்ளனர். இந்தப் படத்தின் படப்பிடிப்பு ஏப்ரல் 14 ஆம் தேதி தமிழ்ப் புத்தாண்டு அன்று பூஜையுடன் தொடங்கவுள்ளது.