நாளை தமிழில் வெளிவரும் புதிய படங்கள் இதுதான்- முழு விபரம்

தமிழ் சினிமாவின் இந்த வாரம் வெளிவரும் புதிய படங்கள் குறித்த முழுமையான தகவல்களை ஒவ்வொன்றாக பார்க்கலாம்...

வயக்காட்டு மாப்பிள்ளை

முற்றிலும் புதிய கூட்டணியில் தயாராகியுள்ள படம் ‘வயக்காட்டு மாப்பிள்ளை’. விமல் முருகன் இயக்கியுள்ள இந்த படத்தில் வெற்றிவேல் மற்றும் ஜோதிஷா ஆகியோர் முக்கிய கதாபாத்திரங்களில் நடித்துள்ளனர்.

இரண்டு மணிநேரம் 2 நிமிடங்கள் ஓடக்கூடிய வயக்காட்டு மாப்பிள்ளை, முதற்கட்டமாக தமிழகத்தின் ஒரு சில பகுதிகளில் வெளியிடப்பட்டு, பிறகு முழுவதுமாக திரையிடப்படும் என தெரிகிறது.

மோகனா

பல ஆண்டுகளுக்கு பிறகு பவர்ஸ்டார் ஸ்ரீனிவாசன் ஹீரோவாக நடித்துள்ள படம் மோகனா. இவருடன் இந்த படத்தின் மொட்டை ராஜேந்திரனும் முக்கிய கதாபாத்திரத்தில் நடித்துள்ளனர்.

ரா. ஆனந்த் இயக்கியுள்ள இந்த படத்தில் கல்யாணி நாயர் கதாநாயகியாக நடித்துள்ளார். நகைச்சுவை, அதிரடி பாணியில் உருவாகியுள்ள ’மோகனா’ நாளை வெளிவருகிறது.

எக்ஸ் வீடியோஸ்

ஆபாச படங்களின் உருவாக்குவதலுக்கு பின்னால் இருக்கும் பிரச்னைகளை பற்றிய கதைக்களத்தில் உருவாகியுள்ள படம் ’எக்ஸ் வீடியோஸ்’. முற்றிலும் புதுமுகங்கள் நடித்துள்ள இந்த படத்தை சஜோ சுந்தர் இயக்கியுள்ளார்.

அஜய், அகர்த்தி சிங் மற்றும் அபினவ் ஆகியோர் ’எக்ஸ் வீடியோஸ்’ படத்தில் முக்கிய கதாபாத்திரங்களில் நடித்துள்ளனர். நடிகை கஸ்தூரி இப்படத்தின் டிரெய்லரை வெளியிட்ட பிறகு ’எக்ஸ் வீடியோஸி’ன் ஒவ்வொரு அப்டேட்டும் வலைதளங்களில் வைரலானது குறிப்பிடத்தகக்து.

ஆண்டனி

ஆண்டனி என்ற பெயரில் சென்னை நகரங்கள் முழுவதும் ஒட்டப்பட்ட போஸ்டர்கள் பெரிய கவனத்தை ஈர்த்தது. அதை தொடர்ந்து வெளியான டிரெய்லரும் ரசிகர்களிடம் வரவேற்பை பெற்றது.

முற்றிலும் த்ரில்லர் கதையமைப்பில் வெளியான ’ஆண்டனி’ விறுவிறுப்பான திரைக்கதை அமைப்பில் தயாராகியுள்ளது. இந்த படத்தில் நிஷாந்த் முக்கிய கதாபாத்திரத்தில் நடித்துள்ளார்.

பஞ்சுமிட்டாய்

தொலைக்காட்சியில் இருந்து வெள்ளித்திரையில் பிரவேசித்த மா.க.ப ஆனந்த் நடிப்பில் அடுத்து வெளிவரும் படம் பஞ்சுமிட்டாய். இதே பெயரில் வெளியான குறும்படத்தை தழுவி இப்படம் உருவாக்கப்பட்டுள்ளது.

காமெடி, காதல் மற்றும் ஃபேண்டசி கதையம்சங்களில் பஞ்சுமிட்டாய் படத்தை இயக்கியுள்ளார் எஸ்.பி. மோகன். நிஹிலா விமல் கதாநாயகியாக நடித்துள்ள இந்த படத்தில் பாண்டியராஜன் முக்கிய கதாபாத்திரத்தில் நடித்துள்ளார்.