'உப்பெனா' படத்தின் போஸ்டர் வெளியிட்டு விஜய் சேதுபதிக்கு வாழ்த்துக்கள்!

தமிழ்த் திரையுலகில் முன்னணி நடிகர்களில் ஒருவராக இருக்கும் விஜய் சேதுபதி, இன்று அவருடைய 43வது பிறந்தநாளைக் கொண்டாடிக் கொண்டிருக்கிறார். அவருக்கு தமிழ் சினிமா ரசிகர்கள், பிரபலங்கள் உள்ளிட்ட பலரும் சமூக வலைதளங்களில் வாழ்த்துகளைத் தெரிவித்து வருகிறார்கள். இதனால் ட்விட்டர் ட்ரெண்டிங்கில் #HBDVijaySethupathi என்ற ஹேஷ்டேக் ட்ரெண்டாகி வருகிறது. இந்நிலையில் தெலுங்கு படத்தில் வில்லனாக நடித்த விஜய் சேதுபதிக்கு படக்குழு வாழ்த்துக்களைத் தெரிவித்து போஸ்டர் ஒன்றை வெளியிட்டு இருக்கிறது.

இதனால் தெலுங்கு ரசிகர்களும், போஸ்டரை ரீ-ட்வீட் செய்து வாழ்த்துக்களையும், பாராட்டுக்களையும் தெரிவித்து வருகிறார்கள். விஜய் சேதுபதி தெலுங்கில் சிரஞ்சீவி நடித்த 'சைரா' படத்தின் மூலம் அறிமுகமாகி உள்ளார். இதையடுத்து சிரஞ்சீவியின் உறவினரான பாஞ்சா வைஷ்வன் தேஜ் கதாநாயகனாக அறிமுகமாகும் 'உப்பெனா' படத்தில் வில்லன் கதாபாத்திரத்தில் நடித்துள்ளார்.

பட்டாக்கத்தியால் கேக் வெட்டியது தவறான முன்னுதாரணம்: மக்கள் செல்வன் விளக்கம்!
புச்சி பாபு சனா இயக்கி வரவிருக்கும் இந்திய தெலுங்கு மொழி திரைப்படம் உப்பேனா. சுகுமார் ரைட்டிங்ஸ் மற்றும் மித்ரி மூவி மேக்கர்ஸ் இணைந்து தயாரிக்கிறது. இப்படத்தில் அறிமுக வீரர்களான பஞ்சா வைஷ்ணவ் தேஜ் மற்றும் கிருதி ஷெட்டி ஆகியோர் உள்ளனர். இப்படத்திற்கு தேவி ஸ்ரீ பிரசாத் இசையமைத்துள்ளார்.

ஒளிப்பதிவு மற்றும் எடிட்டிங் ஷம்தத் மற்றும் நவீன் நூலி ஆகியோர் பணியாற்றி இருக்கின்றனர். இந்நினையில் விஜய் சேதுபதியின் பிறந்தநாளை முன்னிட்டு இன்று அவருடைய கதாபாத்திரமான 'ரயனம்' போஸ்டரை படக்குழுவினர் வெளியிட்டுள்ளார்கள். சமீபத்தில் இப்படத்தின் டீசர் வெளியானது. அதில் ஒரு பிரேமில் கூட விஜய் சேதுபதி இல்லை என்பது குறிப்பிடத்தக்கது.

இப்போது ரயனம் போஸ்டரை வெளியிட்டு டிரைலரில் அவரைப் பார்க்கக் காத்திருங்கள் என மித்ரி மூவி மேக்கர்ஸ் நிறுவனம் குறிப்பிட்டுள்ளது. தமிழில் விஜய் சேதுபதி பல படங்களில் வில்லனாகவும், கதாநாயகனாகவும் நடித்து அசத்திக் கொண்டிருக்கிறார். ரஜினிகாந்தின் 'பேட்ட' படத்தில் நெகட்டிவான கதாபாத்திரத்தில் நடித்து அனைவரையும் திரும்பிப் பார்க்க வைத்த விஜய் சேதுபதி, விக்ரம் வேதா படத்திலும் வில்லனாக நடித்திருந்தார்.

100 கோடியை வசூலித்து 'மாஸ்டர்' படம் சாதனை!
தற்போது லோகேஷ் கனகராஜ் இயக்கத்தில் விஜய், விஜய் சேதுபதி, நடித்து வெளியான படம் 'மாஸ்டர்'. விஜய் சேதுபதி, மாஸ்டரில் பவானி கேரக்டரில் வில்லத்தனத்தை ரசிக்க வைத்திருக்கிறார். விஜய்க்கு இணையாக விஜய் சேதுபதி திரையில் தெரிவதாக ரசிகர்கள் பாராட்டி வருகின்றனர்.