நடிகர் விஜய்யை விமர்சனம் செய்த வானதி ஸ்ரீநிவாசன்!

மத்திய அரசு அறிவித்த ரூபாய் நோட்டு தடை வரவேற்கத்தக்கது தான் என்றாலும், முன்னறிவிப்பு இல்லாமல் திட்டத்தை செயல்படுத்தியதால் ஏழைகள் கடுமையாக பாதிப்படைந்து உள்ளதாக நடிகர் விஜய் கருத்து தெரிவித்திருந்தார். 20 சதவீத பணக்காரர்களுக்காக 80 சதவீத ஏழை மக்களை வதைப்பது எந்த வகையில் நியாயம் என்றும் நடிகர் விஜய் கேள்வி எழுப்பியிருந்தார். நடிகர் விஜய்யின் கருத்துக்கு ஆதரவும், எதிர்ப்பு கிளம்பியுள்ளது.

இந்நிலையில் பாரதிய ஜனதா கட்சியை சேர்ந்த வானதி ஸ்ரீநிவாசன் நடிகர் விஜய்யின் கருத்து பதிலடி கொடுத்துள்ளார். இவ்வளவு வருத்தப்படும் நடிகர் விஜய் அவர்கள், களத்தில் இறங்கி ஏழைகளுக்கு உதவலாமே? தன்னுடைய பணத்தை ஏழை, எளிய மக்களுக்கு கொடுத்து உதவி செய்யலாமே என்று கேள்வி எழுப்பியுள்ளார். கருப்புப்பணத்தை ஒழிக்க மோடி எடுத்துள்ள நடவடிக்கைக்கு பாராட்டுகள் கிடைத்துள்ளது என்றும் அவர் கூறியுள்ளார்.