வாத்தி
வெங்கி அட்லூரி இயக்கத்தில் தனுஷ் வாத்தியாராக நடித்திருக்கும் படம் வாத்தி. தமிழ் மற்றும் தெலுங்கில் உருவாகியிருக்கும் வாத்தி படம் பிப்ரவரி 17ம் தேதி தியேட்டர்களில் ரிலீஸாகவிருக்கிறது. இந்நிலையில் வாத்தி படத்தின் இசை வெளியீட்டு விழா அண்மையில் நடந்தது. தன் மகன்கள் யாத்ரா, லிங்கா, அம்மா உள்ளிட்டோருடன் கலந்து கொண்டார் தனுஷ்.
தனுஷ்
வாத்தி விழா மேடையில் தனுஷ் கூறிய ஒரு விஷயம் வாத்தியார்களுக்கு பிடிக்கவில்லை. தனுஷ் பேசியதாவது, நான் படிக்கணும்னு ஒரு டியூஷன்ல போய் சேர்ந்தேன். நான் போனது படிப்பதற்கு அல்ல. நம் கேர்ள் ஃபிரெண்ட் அங்கு படிச்சிட்டிருந்தாங்க. சும்மா அவங்க கூட போய் டைம் ஸ்பெண்ட் பண்ணலாம்னு தான் டியூஷன் போய் சேர்ந்ததே. நான் ஒரு பத்து நாள் டியூஷன் போனேன். அந்த ஆளு என்னடானா என்னை எழுப்பி எழுப்பி கேள்வி கேட்டுக்கிட்டே இருக்கான், நமக்கு பதில் தெரியவே இல்லை. எல்லோர் முன்பும் அசிங்கமாயிட்டே இருக்கு. சரி இது வேலைக்கு ஆகாது என்று டியூஷன் போவதை நிறுத்திவிட்டேன் என்றார்.
ஹார்ன்
தனுஷ் மேலும் கூறியதாவது, அதுக்கப்புறம் டியூஷனுக்கு வெளியே தான் வெயிட்டிங். ஆனால் வெளியே நான் வெயிட் பண்றேன் என்பது உள்ளே இருக்கும் நம் ஆளுக்கு தெரிய வேண்டும். அப்போ என் பைக்கில் உல்ஃப் ஹார்ன் வச்சிருந்தேன். யமஹா பைக்கில். நான் எப்பொழுது எல்லாம் அந்த பக்கம் போகிறேனோ அப்பொழுது எல்லாம் நான் வந்துட்டேன் சிக்னலாக ஹார்ன் அடிச்சுட்டு போயிடுவேன். உள்ளே இருக்கும் அவங்களுக்கு நல்லாவே தெரியும், ஓதே நம்ம ஆளு வந்துட்டான், நமக்காக வெயிட் பண்றான்னு. இப்படியே இது கொஞ்ச நாள் போகுதுங்க என்றரார்.
காதலர் தினம் 2023, Rajinikanth:காதலியே மனைவியாக பெற்ற பாக்கியசாலிகள் ரஜினி, அஜித், சூர்யா, விஜய்
ஆசிரியர்
கொஞ்ச நாளுக்கு பிறகு அந்த வாத்தியார் உஷாராகிவிட்டார். எவனோ ஒருத்தன் வெளியே இருந்து உள்ளே சிக்னல் கொடுக்கிறானு அவருக்கு தெரிந்துவிட்டது. ஒரு நாள் அவர் சொல்லியிருக்காரு, இப்போ உள்ளே உட்கார்ந்து எல்லாம் படிச்சிட்டு இருக்கீங்களே, நீங்கள் எல்லாம் நல்லபடியா தேர்வு எழுதி, டிகிரி வாங்கி, ஒரு ஆளாகிடுவீங்க. வெளியே ஒருத்தன் ஹார்ன் அடிச்சு சுத்திக்கிட்டு இருக்கான் பார், அவன் நடுத்தெருவுல கூத்தாடத் தான் போறானு சொன்னாராம். அவர் எந்த நேரத்தில் சொன்னாரோ, நான் கூத்தாடாத தெருவே இன்று தமிழ்நாட்டில் இல்லை. ஆனால் நமக்கென்ன ராஜா மாதிரி இருக்கோமே என்றார் தனுஷ்.
Ajith, Valentines day: கத்தி, ரத்தம், அமைதி: ஷாலினி மீது அஜித்துக்கு இப்படித் தான் காதல் வந்தது
செல்வம்
தனுஷ் பேசிய வீடியோவை ட்விட்டரில் வெளியிட்டு அரசுப் பள்ளி ஆசிரியரான செல்வம் கூறியிருப்பதாவது, இந்த பேச்செல்லாம் உங்களைப்போல பெரியாட்கள் மேடை அலங்காரத்துக்காக பேசுவதற்கு நல்லாஇருக்கும் @dhanushkraja.அந்த ஆசிரியர் சொன்னது போல 99 சதவீதம்
இன்னும் தெருவிலதான் நிக்குது அது தான் உண்மை. ஏற்கனவே மாணவ சமுதாயம் இங்க சூப்பரா ஆடிகிட்டு இருக்கு. இதுல உங்கள போல ஆட்கள் சலங்கை வேற கட்டிவிடுங்க என்று தெரிவித்துள்ளார். ஆசிரியரின் ட்வீட்டுக்கு லைக்குளும், ஆதரவும் குவிந்துவிட்டது.