Vada Chennai: வடசென்னை அக்டோபர் 17ம் தேதி ரிலீஸ்- அதிகாரப்பூர்வ அறிவிப்பு

தனுஷ் நடிப்பில், வெற்றிமாறன் இயக்கத்தில் உருவாகியுள்ள படம் ‘வடசென்னை’. இப்படத்தை, மூன்று பாகங்களாக இயக்கத் திட்டமிட்டுள்ள வெற்றிமாறன், தற்போது முதல் பாகத்தை இயக்கி முடித்துள்ளார்.

தற்போது இதன் இறுதிக்கட்டப் பணிகள் மும்முரமாக நடைபெற்று வருகின்றன.
இப்படத்தின் ஒவ்வொரு நடிகரும் என்ன கதாபாத்திரத்தில் நடித்திருக்கிறார்கள் என்பதை வெளியிட்டு வருகிறது படக்குழு.

தனுஷின் வுண்டர்பார் ஃபிலிம்ஸ் மற்றும் லைகா புரொடக்‌ஷன்ஸ் ஆகிய நிறுவனங்கள் இணைந்து இப்படத்தைத் தயாரித்துள்ளன.

இப்படத்தில் ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி, கிஷோர், கருணாஸ் உள்ளிட்ட பலர் தனுஷுடன் நடித்துள்ளனர்.

வேல்ராஜ் ஒளிப்பதிவு செய்ய, சந்தோஷ் நாராயணன் இசையமைத்துள்ளார். அன்பு என்ற கேரக்டரில் தனுஷ் கேரம் விளையாட்டு வீரராக இந்தப் படத்தில் நடித்துள்ளார். இந்நிலையில், இப்படம் வருகிற அக்டோபர் 17-ஆம் தேதி வெளியாகும் என்று அறிவிக்கப்பட்டுள்ளது.