ரசிகர்களை ஏமாற்றிய நடிகர் வடிவேலு?!

வைகைப்புயல் வடிவேலு இல்லாமல் தமிழ் சினிமாவில் ஒரு வெற்றிடம் உருவாகிவிட்டது என்று தான் சொல்லவேண்டும். கடந்த 5 வருடங்களாக 2 அல்லது 3 படங்களில் மட்டும், அதுவும் ஹீரோவாக மட்டுமே நடித்ததால் அவரது ரசிகர்கள் மீண்டும் எப்போது காமெடியில் கலக்க வருவார் என காத்திருந்தனர். இந்நிலையில் நடிகர் விஷாலின் முயற்சியால் சுராஜ் இயக்கிய கத்தி சண்டை படம் மூலம் அறிமுகம் ஆனார்.

நேற்று முன் தினம் வெளியாகி வெற்றிகரமாக ஓடிக்கொண்டிருக்கிறது கத்தி சண்டை படம். மிகுந்த எதிர்பார்ப்பில் இருந்த ரசிகர்களுக்கு ஏமாற்றமே மிஞ்சியுள்ளதாக கூறப்படுகிறது. எதிர்பார்த்த அளவிற்கு வடிவேலுவின் காமெடி இல்லை என்கின்றனர். வடிவேலுவுக்கு சூரி காமெடியே பரவாயில்லை என்ற அளவிற்கு உள்ளது என்கின்றனர் ரசிகர்கள். ஆனால் ஒரே படத்தில் முடிவுக்கு வந்து விட முடியாது. அடுத்தடுத்த படங்களில் வடிவேலு கலக்குவார் என்கின்றனர் மற்றொரு தரப்பு ரசிகர்கள்!