ajith தள்ளிப்போகும் அண்ணாத்த... மீண்டும் அஜித்துடன் மோதலா?

ரஜினிகாந்த் நடிப்பில், சிறுத்தை சிவா இயக்கும் படம் அண்ணாத்த. இந்த படத்தில் மீனா, குஷ்பு, நயன்தாரா, கீர்த்தி சுரேஷ், பிரகாஷ் ராஜ், சூரி, சதீஷ், வேலாராமமூர்த்தி என ஒரு நட்சத்திர பட்டாளமே நடித்து வருகின்றது. சன் பிக்சர்ஸ் தயாரிக்கும் இந்த படத்தின் டைட்டில் சில வாரங்களுக்கு முன் வெளியானது.

அண்ணாத்த படப்பிடிப்பு பல நகரங்களில் நடத்த திட்டமிடப்பட்டிருந்தது. ஆனால் கொரோனா பாதிப்பு காரணமாக ஷூட்டிங் தற்காலிகமாக நிறுத்தப்பட்டுள்ளதால், குறித்த நேரத்தில் படத்தை முடிக்க முடியாத நிலை ஏற்பட்டுள்ளதாம். இதனால் படத்தின் ரிலீஸ் தள்ளிப் போக வாய்ப்புள்ளதாம்.

அண்ணாத்த படத்தை ஆகஸ்ட் மாதம் திரைக்கு கொண்டு வர மும்முரமாக படக்குழுவினர் உழைத்து வந்தனர். ஆனால் கொரோனா பாதிப்பு எப்போது முடியும், மீண்டும் படப்பிடிப்பு எப்போது துவங்கும் என தெரியாததால், படத்தின் ரிலீசை இது பாதிக்கும். அவசர அவசரமாக போஸ்ட் ப்ரொடொக்ஷன் பணிகளை செய்து விவேகம் படம் மாதிரி ஆகிவிடக் கூடாது என்பதில் மிக கவனமாக இருக்கிறாராம் சிவா.

ரஜினியும் அரசியல் கட்சி துவங்க உள்ளதாக இருக்கும் நிலையில் கட்டாயம் ஒரு வெற்றிப்படம் வேண்டும் என நினைக்கிறாராம். அதனால்தான் வெற்றி ஃபார்முலாவான குடும்ப கதையை, அதிலும் பாசக் கதைகளை சிறப்பாக எடுக்கும் சிவாவிடம் படம் செய்ய ஒப்புக் கொண்டாராம். ஏற்கனவே தர்பார் படம் பெரிய பிரச்னைகளை சந்தித்துள்ளதால், நிச்சயம் பொறுமை காத்து படத்தை ரிலீஸ் செய்வார்கள் என கூறுகிறார்கள் ரசிகர்கள். ஒருவேளை இந்த படம் தீபாவளிக்கு ரிலீசானால், ஏற்கனவே தீபாவளி ரிலீசுக்கு திட்டமிடப்பட்டுள்ள வலிமை படத்துடன் மோதும் என்கிறார்கள்.

முன்னதாக பொங்கல் ரேசில், விஸ்வாசம் , பேட்ட ஆகிய படங்கள் ரிலீசாகி, இரண்டும் நல்ல வரவேற்பை பெற்றன. எனவே பொறுத்திருந்துதான் பார்க்க வேண்டும் என காத்திருக்கிறார்கள் ரசிகர்கள்.