வேணாம் அங்கிள்னு சொன்ன வனிதாவை விளாசும் ரஜினி ரசிகர்கள்

அண்ணாத்த படப்பிடிப்பில் கலந்து கொள்ள ஹைதராபாத் சென்ற ரஜினிகாந்துக்கு ரத்த அழுத்த பிரச்சனை ஏற்படவே அங்கிருக்கும் அப்பல்லோ மருத்துவமனையில் அனுமதிக்கப்பட்டுள்ளார். அவர் இன்று மாலை அல்லது நாளை காலை டிஸ்சார்ஜ் செய்யப்படுவார் என்று அண்ணன் சத்யநாராயணா தெரிவித்துள்ளார்.

ரஜினி எப்பொழுது மருத்துவமனையில் இருந்து டிஸ்சார்ஜ்?: அண்ணன் விளக்கம்

ரஜினி மருத்துவமனையில் அனுமதிக்கப்பட்ட செய்தி அறிந்ததுமே ரசிகர்கள் கவலை அடைந்தனர். அவர் விரைவில் குணமாகி வீடு திரும்ப வேண்டும் என்று திரையுலகை சேர்ந்தவர்களும், ரசிகர்களும் கூறி வருகிறார்கள்.

ரஜினி பற்றி அறிந்த வனிதா விஜயகுமாரோ, ரஜினி அங்கிள் நலமாக இருக்க அவருக்கு தெம்பை அளித்து ஆசிர்வதிக்குமாறு கடவுளிடம் பிரார்த்தனை செய்கிறேன். இந்த 2020ம் ஆண்டை தாண்ட இன்னும் சில நாட்கள் தான் உள்ளது. அதன் பிறகு எல்லாம் மேம்படும். டியர் ரஜினி அங்கிள், நீங்கள் அரசியலுக்கு வந்து கஷ்டப்படுவதை பார்க்க நாங்கள் விரும்பவில்லை...எங்களுக்கு நீங்கள் தேவை என்று ட்வீட் செய்தார்.

அவர் ட்வீட் போட்டு இரண்டு நாட்கள் ஆகியும் இன்னும் அது குறித்து ரசிகர்கள் விவாதித்துக் கொண்டிருக்கிறார்கள். வனிதாவின் ட்வீட்டை பார்த்த ரஜினி ரசிகர்கள் கூறியிருப்பதாவது,

அரசியலுக்கு வர வேண்டாம் என்றெல்லாம் சொல்லாதீங்க வனிதா. தலைவர் நிச்சயம் அரசியலுக்கு வருவார். அவருக்கு ஒன்றும் இல்லை. விரைவில் குணமாகிவிடுவார். தலைவர் அரசியலுக்கு வந்தால் கஷ்டப்பட மாட்டார். அவர் வருவதை பார்த்து தான் பலர் பயத்தில் இருக்கிறார்கள். வனிதா, நீங்கள் குடும்ப வாழ்க்கையில் ஈடுபட்டு, கஷ்டப்படுவதை பார்க்க விரும்பவில்லை. அதனால் இனி திருமணம் செய்து கொள்ளாதீர்கள் என்று தெரிவித்துள்ளனர்.

சில ரசிகர்களோ, தலைவர் அரசியலுக்கு வர வேண்டாம், அவர் நலமாக இருந்தாலே போதும். வனிதா சொல்வது சரியே என்கிறார்கள்.

சமூக வலைதளவாசிகள் கூறியிருப்பதாவது,

ரஜினிக்கு அரசியலுக்கு வர விருப்பம் இல்லை. சிலரின் சொல்பேச்சு கேட்டு நடக்கிறார். அவரின் உடல்நலனை கருத்தில் கொண்டு அரசியலுக்கு வராமல் இருக்க வேண்டும். ரஜினியை தூண்டிவிடுபவர்கள் அவரின் நலனை மனதில் வைத்து இனியாது திருந்த வேண்டும் என்று தெரிவித்துள்ளனர்.