வாரிசு
வம்சி பைடிபல்லி இயக்கத்தில் விஜய், ரஷ்மிகா மந்தனா, ஷாம் உள்ளிட்டோர் நடித்திருக்கும் வாரிசு படம் 2023ம் ஆண்டு ஜனவரி மாதம் 12ம் தேதி தியேட்டர்களில் ரிலீஸாகவிருக்கிறது. இந்த பொங்கல் தளபதி பொங்கல் என விஜய் ரசிகர்கள் சந்தோஷத்தில் துள்ளிக் குதித்துக் கொண்டிருக்கிறார்கள். இந்நிலையில் ஷாம் பேட்டி ஒன்றில் விஜய் பற்றி பேசிய விஷயம் பூதாகரமாக வெடித்திருக்கிறது.
ஷாம்
விஜய் பற்றி ஷாம் கூறியதாவது, நான் திடீர்னு ஹீரோவானேன். அதன் பிறகு விஜய்ணாவை பார்த்தபோது, வரும்போதே இரண்டு குதிரை, ஜோதிகா, சிம்ரன்னு யாருடா நீனு சொன்னார் என்றார். ஷாம் ஹீரோவான 12 பி படத்தில் சிம்ரன், ஜோதிகா என்று இரண்டு டாப் ஹீரோயின்களுடன் நடித்தார். படம் வந்தபோது யாருய்யா இந்த பையன் எடுத்த எடுப்பிலேயே ஜோதிகா, சிம்ரனுடன் நடித்துவிட்டாரே என்று அப்பொழுது ரசிகர்கள் வியந்தது உண்டு.
விஜய்
ஷாம் கேஷுவலாக சொன்ன குதிரை விஷயம் பூதாகரமாகவிட்டது. படத்தில் மட்டும் சிங்கப் பெண்ணேனு பாடுகிறார் விஜய். ஆனால் நிஜத்தில் அதுவும் தன்னுடன் சேர்ந்து நடித்த இரண்டு முன்னணி நடிகைகளை குதிரை என்று கூறியிருக்கிறார். இவ்வளவு தானா விஜய்ணா, உங்களிடம் இருந்து இதை சத்தியமாக எதிர்பார்க்கவில்லை என சமூக வலைதளவாசிகள் விளாசிக் கொண்டிருக்கிறார்கள்.
ரசிகர்கள்
சமூக வலைதளவாசிகள் விஜய்யை வறுத்தெடுப்பதை பார்த்த அவரின் ரசிகர்கள் கூறியிருப்பதாவது, எங்க தளபதி ரொம்ப நல்லவர். சின்ன வயசு பசங்க பெண்களை குதிரைனு சொன்னதே இல்லையா?. அப்படி அவர் ஏதோ சொல்ல அதை போய் பெரிதாக எடுத்துக் கொண்டு அண்ணாவின் கேரக்டரை பற்றி மோசமாக விமர்சிப்பது சரியில்லை என தெரிவித்துள்ளனர்.
பிரச்சனை
வாரிசு படம் பொங்கலுக்கு ரிலீஸாகவிருக்கும் நேரத்தில் வெளியான தீ தளபதி பாடலில் வந்த வரிகளே விஜய்ணாவுக்கு பிரச்சனை ஏற்படுத்தும் வகையில் இருக்கிறது. இந்நிலையில் இந்த குதிரை மேட்டர் வேறு வசமாக சிக்கியிருக்கிறது. வாரிசு படத்திற்கு ஏதாவது பிரச்சனை வந்து கொண்டே இருக்கிறதே. விஜய்ணாவுக்கு நேரம் சரியில்லையோ என சமூக வலைதளங்களில் தெரிவித்துள்ளனர்.
துணிவு
பொங்கலுக்கு வாரிசு மட்டும் இல்லை அஜித் குமார் நடித்திருக்கும் துணிவு படமும் ரிலீஸாகவிருக்கிறது. வாரிசு படத்தை தெலுங்கில் வாரசுடு என்கிற பெயரில் வெளியிடுகிறார்கள். வாரசுடு ரிலீஸாகும் ஜனவரி 12ம் தேதி தான் பாலய்யா நடித்திருக்கும் வீர சிம்ஹா ரெட்டி படமும் வெளியாகவிருக்கிறது என்பது குறிப்பிடத்தக்கது.