Varma: படிப்பைத் தொடர அமெரிக்கா சென்றார் துருவ் விக்ரம்!!

நடிகர் துருவ் விக்ரம் தனது படிப்பைத் தொடர மீண்டும் அமெரிக்கா சென்றுவிட்டதாக தகவல் வெளியாகி உள்ளது.

தெலுங்கில் வெளியாகி, மிகப்பெரிய அளவில் வெற்றிப் பெற்ற திரைப்படம் ‘அர்ஜூன் ரெட்டி’. இந்தப் படத்தின் தமிழ் ரீமேக்கான ‘வர்மா’ படத்தில் நடிகர் விக்ரமின் மகனான துருவ் விக்ரம் நடித்துள்ளார். இயக்குநர் பாலா இயக்கியுள்ள இப்படத்தில் அவருக்கு ஜோடியாக மேகா என்ற புதுமுக நடிகை நடித்துள்ளார். அவரைத் தவிர ஈஸ்வரி ராவ் மற்றும் ரைசா வில்சன் உள்ளிட்டார் முக்கிய கதாபாத்திரத்தில் நடித்துள்ளனர்.

கடந்த சில தினங்களுக்கு முன் வெளியான, வர்மா படத்தின் டீசர் ரசிகர்கள் மத்தியில் நல்ல வரவேற்பைப் பெற்று வருகிறது. டீசரில், துருவ் விக்ரமின் நடிப்பைப் பலரும் பாராட்டி வருகின்றனர்.

இந்நிலையில், படத்தின் டப்பிங் வேலைகள் எல்லாம் முடிந்த நிலையில், நடிகர் துருவ் விக்ரம் மீண்டும் அமெரிக்காவிற்கே சென்று விட்டதாக கூறப்படுகிறது. அமெரிக்காவில் பிலிம் மேக்கிங் படித்து வந்த துருவ் விக்ரம், அவரின் அப்பா விக்ரமின் வற்புறுத்தலின் பெயரிலேயே படத்தில் வந்து நடித்ததாகவும், தற்போது தனது படிப்பை மீண்டும் தொடர்வதற்கு அமெரிக்கா சென்றுள்ளதாகவும் தகவல் வெளியாகி உள்ளது.

இதையடுத்து, வர்மா படத்தின் புரோமோஷனுக்கு மட்டுமே துருவ் விக்ரம் இந்தியா வருவார் எனவும், அதன்பின் படிப்பை முடித்தப் பின்னே மீண்டும் படங்களில் நடிப்பார் எனவும் நம்பத் தகுந்த வட்டாரங்களில் இருந்து தகவல் வெளியாகியுள்ளது.