எஸ்.பி.பி. பற்றி 'அப்படி' ட்வீட் போட்ட வேகத்தில் நீக்கிய வர்ஷா பொல்லம்மா

கொரோனா வைரஸ் பாதிப்பால் கடந்த மாதம் 5ம் தேதியில் இருந்து மருத்துவமனையில் இருக்கும் எஸ்.பி. பாலசுப்பிரமணியத்தின் உடல்நிலை மிகவும் கவலைக்கிடமாக இருப்பதாக மருத்துவமனை நிர்வாகம் நேற்று மாலை அறிக்கை வெளியிட்டது.

அறிக்கை வெளியான வேகத்தில் கமல் ஹாசன் எம்.ஜி.எம். மருத்துவமனைக்கு விரைந்து சென்று எஸ்.பி.பி.யை பார்த்தார். அவர் க்ரிட்டிகலாக இருப்பதாக கமல் தெரிவித்தார். இதற்கிடையே எஸ்.பி.பி. பற்றி வதந்தி பரவிக் கொண்டிருக்கிறது.

லேட்டஸ்ட் அப்டேட் எதுவும் கிடைக்காத நிலையில் வர்ஷா பொல்லம்மா எஸ்.பி.பி.யின் புகைப்படத்தை ட்விட்டரில் வெளியிட்டு கவலையாக இருக்கும் ஸ்மைலியை போட்டிருந்தார். அதை பார்த்த ரசிகர்கள், எஸ்.பி.பி.க்கு என்னாச்சு என்று பதறிப் போய் கேட்டார்கள்.

இதையடுத்து வர்ஷா அந்த ட்வீட்டை அவசரமாக நீக்கிவிட்டார். வர்ஷாவின் செயலை பார்த்த ரசிகர்களுக்கு கவலை அதிகரித்துள்ளது.

சிரித்த முகமாக எஸ்.பி.பி.: வீடியோவை பார்த்து பார்த்து அழும் தமன், இசை ரசிகர்கள்

இதற்கிடையே கடந்த மார்ச் மாதம் எடுக்கப்பட்ட வீடியோவை இசையமைப்பாளர் தமன் ட்விட்டரில் வெளியிட்டுள்ளார். அந்த வீடியோவில் எஸ்.பி.பி.யை சிரித்த முகமாக பார்த்தவர்களுக்கு கண்ணீரை கட்டுப்படுத்த முடியவில்லை என்பது குறிப்பிடத்தக்கது.