வெந்து தணிந்தது காடு
கவுதம் மேனன் இயக்கத்தில் சிம்பு நடித்த வெந்து தணிந்தது காடு படம் செப்டம்பர் 15ம் தேதி தியேட்டர்களில் ரிலீஸானது. படம் பார்த்த சிம்பு ரசிகர்கள் பரம திருப்தி அடைந்தார்கள். மற்றவர்கள் பாசிட்டிவாகவும், நெகட்டிவாகவும் சமூக வலைதளங்களில் விமர்சித்தார்கள். இருப்பினும் வெந்து தணிந்தது காடு படம் பார்க்க தியேட்டர்களுக்கு செல்வோரின் எண்ணிக்கை மட்டும் குறையவில்லை.
கவுதம் மேனன்
வெந்து தணிந்தது காடு படம் வெற்றி பெற்றுள்ளது. இதையடுத்து நடந்த சக்சஸ் மீட்டில் சிவகார்த்திகேயன் கலந்து கொண்டார். வெற்றிப் படம் கொடுத்த கவுதம் மேனனுக்கு விலை உயர்ந்த ராயல் என்ஃபீல்டு பைக்கை பரிசாக அளித்தார் தயாரிப்பாளர் ஐசரி கணேஷ்.
Twitter-Vels Film International
சிம்பு
வெந்து தணிந்தது காடு படத்தின் நாயகன் சிம்புவுக்கு சொகுசு காரை பரிசளித்தார் ஐசரி கணேஷ். அப்பொழுது எடுக்கப்பட்ட புகைப்படங்கள் சமூக வலைதளங்களில் வெளியாகி ரசிகர்களை கவர்ந்திருக்கிறது. சிம்பு தன் எடையை குறைத்த பிறகு இதுவரை 3 படங்கள் ரிலீஸாகியிருக்கின்றன. ஈஸ்வரன், மாநாடு, வெந்து தணிந்தது காடு என்று தொடர்ந்து மூன்று வெற்றிப் படங்களை கொடுத்திருக்கிறார்.
நல்ல காலம்
இனி சிம்புவுக்கு நல்ல காலம் தான். எல்லாமே வெற்றி தான் என்று பெருமையாக கூறி வருகிறார்கள் ரசிகர்கள். வெந்து தணிந்தது காடு படத்தின் இரண்டாம் பாகம் வரவிருக்கிறது. கவுதம் மேனன், சிம்பு கூட்டணி என்றாலே வெற்றிக் கூட்டணி தான். அதனால் வெந்து தணிந்தது காடு படத்தின் இரண்டாம் பாகமும் வெற்றி பெறும் என்கிறார்கள் சிம்பு ரசிகர்கள்.