சரோஜா-2 வை நான் இயக்கவில்லை-வெங்கட் பிரபு விளக்கம்..!

சில ஆண்டுகளுக்கு முன்பு வெளியாகி பெரும் வெற்றி பெற்ற சரோஜா திரைப்படத்தின் இரண்டாம் பாகத்தை தான் இயக்கவில்லை என வெங்கட் பிரபு விளக்கமளித்துள்ளார்.
சென்னை 60028 திரைப்படத்தின் வெற்றிக்கு பிறகு அதே கூட்டணியை வைத்து சரோஜா என்ற திரைப்படத்தை வெங்கட் பிரபு இயக்கினார்.பாடல்,காமெடி,ஆக்‌ஷன் என அனைத்தும் சிறப்பாக இருந்ததால் இந்த படமும் வெற்றி பெற்றது.
இந்நிலையில் தற்போது சென்னை 60028 திரைப்படத்தின் இரண்டாம் பாகத்தை இயக்கி வரும் வெங்கட் பிரபு,இதற்கு அடுத்ததாக சரோஜா திரைப்படத்தின் இரண்டாம் பாகத்தை இயக்க உள்ளதாக தகவல்கள் வெளியாகின.ஆனால் இதனை மறுத்துள்ள வெங்கட் பிரபு,சரோஜா-2 திரைப்படத்தை தான் இயக்கவில்லை எனவும்,தன்னுடைய முழு கவனமும் சென்னை 60028 திரைப்படத்தை சுற்றியே இருப்பதாகவும் விளக்கமளித்துள்ளார்.
மேலும் என்னுடைய புதிய படங்கள் குறித்து சமூக வளைதளங்கள் மூலமாக,நானே அறிவித்து வரும் நிலையில் இப்படிப்பட்ட வதந்திகளை யாரும் நம்ப வேண்டாம் எனவும் அவர் தெரிவித்துள்ளார். இந்நிலையில் சரோஜா-2 படத்தை வெங்கட் பிரபுவின் உதவியாளரான காந்தபிரியன் இயக்குவதாகவும்,படத்தில் எஸ்.ஜே.சூர்யா முக்கியமான கதாப்பாத்திரத்தில் நடிப்பதாகவும் தகவல்கள் வெளியாகியுள்ளன.