கத்திக்கும், சர்காருக்கும் இப்படியொரு ஒற்றுமையா? இதுலயும் தளபதி மாஸ்!

ஏ.ஆர்.முருகதாஸ் மற்றும் விஜய் துப்பாக்கி, கத்தி ஆகிய இரு படங்களில் வெற்றிக் கூட்டணி அமைத்தனர். இதையடுத்து மூன்றாவது முறையாக ‘சர்கார்’ படத்தில் இணைந்துள்ளனர். நடிகர் விஜய்யின் மார்க்கெட் இதுவரை இல்லாத அளவிற்கு உச்சத்தை எட்டியுள்ளது.

இவரின் ரசிகர் பட்டாளத்தின் எதிர்பார்ப்பும் அதிகரித்து வருகிறது. கோலிவுட்டின் பாக்ஸ்-ஆபிஸ் ராஜாவாக இருப்பதால் விஜய் குறித்து மேலும் சொல்லத் தேவையில்லை. சர்கார் படத்தின் வெளியீடு இன்னும் 25 நாட்களில் நிகழப் போகிறது.

எனவே படக்குழுவினர் படத்தை விளம்பரம் செய்வதில் தீவிரம் காட்டி வருகின்றனர். விஜய் படத்திற்கு சாதாரணமாக விளம்பரம் ஏதும் தேவைப்படாத நிலையில், தயாரிப்பு நிறுவனம் சன் பிக்சர்ஸ் என்பதால் செலவில் பிரம்மாண்டம் குறித்து சொல்லத் தேவையில்லை.

சர்கார் படத்தின் பாடல்கள் ஏற்கனவே வெளியான நிலையில், டீசர் வரும் 19ஆம் தேதி வெளிவரும் என்று தெரிவிக்கப்பட்டுள்ளது. ஏற்கனவே விஜய் - ஏ.ஆர்.முருகதாஸ் கூட்டணியில் வெளியான கத்தி படத்தின் டிரைலரும் இதே தேதியில் வெளியானது குறிப்பிடத்தக்கது.

கத்தி டிரைலர் - அக்டோபர் 19, 2014

சர்கார் டீசர் - அக்டோபர் 19, 2018

VERA LEVEL COINCIDENCE BETWEEN SARKAR AND KATHTHI.