Jiiva தல சொன்னது தான் ஜீவாவின் ஜிப்ஸிக்கு நடக்குது: வெரி வெரி பேட்

ராஜுமுருகன் இயக்கத்தில் ஜீவா நடித்துள்ள ஜிப்ஸி படம் வரும் 6ம் தேதி ரிலீஸாக உள்ளது. இந்நிலையில் படத்தில் இருந்து நீக்கப்பட்ட காட்சியை வெளியிட்டு ரசிகர்களின் ஆவலை தூண்டிவிட்டுள்ளார் ராஜுமுருகன். வீடியோவில், ஒருத்தனிடம் கூட ஆதார் கார்டு இல்லை. எல்லாம் அனாமத்து பசங்க. அதிலும் இந்த குதிரைக்காரன் மாவோயிஸ்டாக இருக்க வாய்ப்பு உள்ளது என்று போலீஸ்காரர் கூறுகிறார்.

போலீசார் தலைக்கு ரூ. 100 வாங்குவதாக தெரிவித்துள்ளார் ராஜுமுருகன். பாமர மக்கள் ஆங்கிலத்தில் பேசுவது போன்றும், போலீசாருக்கு அந்த மொழி தெரியாதது போன்றும் காட்டியிருக்கிறார் ராஜுமுருகன். அதிலும் போலீஸ் அதிகாரியை பார்த்த கிளி திருடன், திருடன் என்று கத்துகிறது. ஊனமுற்றவர் தியேட்டரில் தேசிய கீதத்திற்கு எழுந்து நிற்கவில்லை என்று கைது செய்து வைத்திருக்கிறார்கள். படத்திற்கு கண்டமேனிக்கு இலவச விளம்பரம் கிடைக்கும் என்று நம்பலாம். அந்த அளவுக்கு ராஜுமுருகன் விளையாடியிருக்கிறார்.

ஏதாவது ஒரு துறை எதிர்ப்பு தெரிவித்தால் கூட போதும் ஜிப்ஸிக்கு இலவச விளம்பரம் வேற லெவலில் கிடைக்கும் என்பதில் சந்தேகம் இல்லை. ஒரு நல்ல படம் தன்னை தானே விளம்பரப்படுத்திக் கொள்ளும் என்று அஜித் முன்பு தெரிவித்தார். அது தான் ஜிப்ஸிக்கு நடக்கிறது. பொதுமக்களின் கருத்துக்கள், ஆதங்கத்தை அப்படியே வெளிப்படையாக படத்தில் காட்டியிருக்கிறார் ராஜுமுருகன் என்று விமர்சனம் எழுந்துள்ளது.

ஜோக்கர் படம் மூலம் அனைவரையும் தன்னை திரும்பி பார்க்க வைத்த ராஜுமுருகன், ஜிப்ஸி மூலம் வேற லெவலுக்கு சென்றிருக்கிறார். ராஜுமுருகன் என்கிற அந்த பெயருக்காகவே நம்பி தியேட்டருக்கு செல்லலாம் என்கிறார்கள் ரசிகர்கள். நீக்கப்பட்ட வீடியோவுக்கே ரசிகர்களிடையே அமோக ஆதரவு கிடைத்துள்ளது என்பது குறிப்பிடத்தக்கது.