இணையத்தைக் கலக்கும் கீர்த்தி சுரேஷின் ‘நடிகையர் திலகம்’ டீசர்!!

கீர்த்தி சுரேஷ் நடிப்பில் உருவாகி வரும், மறைந்த நடிகை சாவித்ரியின் வாழ்க்கை வரலாறு படமான ‘நடிகையர் திலகம்’ படத்தின் டீசர், தற்போது இணையத்தில் வைரலாகி வருகிறது.

1950 மற்றும் 60களில், தமிழ் மற்றும் தெலுங்கில் முன்னணி நடிகையாக திகழ்ந்தவர் நடிகை சாவித்ரி. 300க்கும் மேற்பட்ட படங்களில் நடித்துள்ள சாவித்ரி, சொந்தமாக படம் தயாரித்து நஷ்டமடைந்து, சொத்துக்களை இழந்து 46 வயதில் மிகவும் பரிதாபமாக உயிரிழந்தார்.

இந்நிலையில் இவரின் வாழ்க்கை வரலாறு, தமிழில் ‘நடிகையர் திலகம்’ என்ற பெயரிலும் தெலுங்கில் ‘மகாநதி’ என்ற பெயரிலும் படமாக உருவாக்கப்பட்டு வருகிறது. இதில் சாவித்ரி கதாபாத்திரத்தில் நடிகை கீர்த்தி சுரேஷ் நடித்து வருகிறார். அவருடன் துல்கர் சல்மான், சமந்தா, மற்றும் பிரகாஷ் ராஜ் உள்ளிட்டோர் நடித்து வருகின்றனர்.

இந்நிலையில், இப்படத்தின் டீசர் இணையத்தில் வெளியாகி உள்ளது. சனிக்கிழமையன்று யூடியூபில் வெளியான இந்த டீசர் தெலுங்கில் 2 மில்லியன் முறையும், தமிழில் 4 லட்சம் முறையும் பார்க்கப்பட்டுள்ளது.