அஜித்துடன் நடிக்க 10 நாட்கள் கால்ஷீட் கொடுத்துள்ள வித்யா பாலன்!

பிரபல இந்தி நடிகர் அமிதாப்பச்சன், டாப்சி ஆகியோர் நடிப்பில் வெளியாகி வெற்றிப் பெற்ற இந்தி படம் ‘பிங்க்’. தற்போது இந்தப் படம் தமிழில் ரீமேக்காகிறது. தமிழில் அஜித், வித்யாபாலன், ஸ்ரத்தா ஸ்ரீநாத் உட்பட பலர் நடிக்கினற்னர். தமிழில் இந்தப் படத்தை எச். வினோத் இயக்கவுள்ளார். படத்தை மறைந்த நடிகை ஸ்ரீதேவியின் கணவர் போனி கபூர் தயாரிக்கிறார்.

இந்தி பதிப்பை அப்படியே ரீமேக் செய்யாமல் தமிழுக்கு ஏற்றபடி சில மாற்றங்கள் செய்து இயக்கவுள்ளார் இயக்குனர் எச்.வினோத். இந்தி ‘பிங்க்கி’ல் அமிதாப்பின் மனைவியாக நடித்த மம்தா ஷங்கருக்கு குறிப்பிட்ட சில காட்சிகள் தான் இடம்பெற்றிருந்தது. ஆனால் தமிழ் ரீமேக்கில் அஜித்தின் மனைவியாக நடிக்கும் வித்யாபாலனின் கேரக்டரை பெரிதாக்கியிருக்கிறார்கள். அந்த கேரக்டரில் நடிப்பதற்கு நடிகை வித்யா பாலன் கிட்டத்தட்ட 10 நாட்கள் கால்ஷீட் கொடுத்திருக்கிறாராம்.