'திருட்டுப் பயலே 2' படத்துக்கு இசையமைக்கும் வித்யாசாகர்

சென்னை: இயக்குனர் சசி கணேசன் இயக்கத்தில் உருவாகவிருக்கும் 'திருட்டுப்பயலே 2' படத்துக்கு 'மெலடி கிங்' வித்யாசாகர் இச்சையமைக்கவிருக்கிறார்.

பிரசன்னா, பாபி சிம்ஹா, அமலா பால் இணைந்து நடிக்கும் இப்படம் பிரம்மாண்டமாக உருவாகவிருப்பதாகவும், படத்தின் பெரும்பாலான காட்சிகள் வெளிநாட்டிலேயே படமாக்கப்படும் என்றும் இயக்குனர் சசி கணேசன் கூறியுள்ளார்.

இந்நிலையில், இப்படத்துக்கு மிகவும் அழுத்தமான மெலடி பாடல் டிராக் தேவை என கருதிய காரணத்தால், சமீப காலமாக தமிழ் படங்களுக்கு இசையமைக்காமல் இருந்த இசையமைப்பாளர், 'மெலடி கிங்' வித்யாசாகரை இந்தப் படத்துக்கு ஒப்பந்தம் செய்திருப்பதாக இயக்குனர் சசி கணேசன் தெரிவித்துள்ளார்.

தற்போதுள்ள இளம் இசையமைப்பாளர்கள் நிறைய பாடல்கள் ஹிட் கொடுத்தாலும், மெலடி டிராக்கில் ஏதோ குறைவதாக கருதியதால் இசையமைப்பாளர் வித்யாசாகரின் இசையால் இப்படத்தின் பாடல்களுக்கு உயிர் கொடுக்க முடியும் என்று நினைத்ததாக இயக்குனர் விளக்கம் அளித்துள்ளார்.

இப்படத்தில் மொத்தம் 4 பாடல்கள் இடம்பெறவிருப்பதாகவும், அதில் 3 மெலடியும், 1 பப் பாடலும் இடம்பெறும் என இயக்குனர் தெரிவித்துள்ளார்.