கண்மணி அன்போடு காதலன் நான்.. டப்பிங்கில் ரொமான்ஸ் செய்யும் நயன் - விக்கி!

நானும் ரெளடிதான் படத்தை தொடர்ந்து தற்போது மீண்டும் விஜய் சேதுபதியை வைத்து 'காத்துவாக்குல ரெண்டு காதல்' படத்தை இயக்கி வருகிறார் விக்னேஷ் சிவன். செவன் ஸ்கிரீன் ஸ்டூடியோஸ் நிறுவனத்தின் லலித் குமார் மற்றும் விக்னேஷ் சிவன் இணைந்து இந்தப் படத்தை தயாரிக்கின்றனர்.

நானும் ரவுடி தான் படத்தின் வெற்றிக்கு பிறகு விஜய் சேதுபதி, நயன்தாரா இருவரும் இரண்டாவது முறையாக விக்னேஷ் சிவன் இயக்கத்தில் நடித்து வருவதால் ரசிகர்களுக்கு 'காத்து வாக்குல ரெண்டு காதல்' படத்தின் மீது மிகுந்த எதிர்பார்ப்பு ஏற்பட்டுள்ளது. மேலும் இந்தப்படத்தில் சமந்தாவும் இணைந்துள்ளதால் படம் வேற லெவலில் இருக்கும் என்ற எதிர்பார்ப்பில் உள்ளனர் ரசிகர்கள்.

’காத்துவாக்குல ரெண்டு காதல்’ படத்தின் படப்பிடிப்பு அண்மையில் முடிவடைந்த நிலையில் இன்று முதல் இதன் டப்பிங் பணிகள் துவங்கி உள்ளன. முதல் கட்டமாக நயன்தாரா தனது பணியை தொடங்கி உள்ளார். பெரும்பாலான படங்களில் நயன்தாரா டப்பிங் செய்வதில்லை என்ற நிலையில் இந்த படத்தில் அவரே தனது கேரக்டருக்கு டப்பிங் குரல் கொடுக்கிறார் என்பது குறிப்பிடத்தக்கது.

'ஜெய் பீம்' படத்துக்கு சர்வதேச அளவில் அங்கீகாரம்: உற்சாகத்தில் சூர்யா ரசிகர்கள்!
இதுகுறித்து விக்னேஷ் சிவன் தனது சமூக வலைதளப் பக்கத்தில், ‘கண்மணி அன்போடு காதலன் நான் எழுதிய டயலாக்கை, நீயே டப் பண்றது மிகுந்த சந்தோசம்’ என தெரிவித்துள்ளார். நயன்தாரா டப்பிங் செய்யும் சில புகைப்படங்களை அவர் பதிவு செய்துள்ள நிலையில் aந்த புகைப்படங்கள் தற்போது இணையத்தில் வைரலாகி வருகின்றன.


நானும் ரவுடிதான் படத்தில் நடித்தபோது, இயக்குனர்விக்னேஷ் சிவனுக்கும், நயன்தாராவுக்கும் இடையில் காதல் மலர்ந்தது. அதனை தொடர்ந்து இருவரும் அடிக்கடி வெளிநாடுகளுக்கு சுற்றுலா சென்று வருகின்றனர். இந்நிலையில் டப்பிங்கில் விக்னேஷ் சிவனும், நயன்தாராவும் ரொமான்ஸ் செய்யும் புகைப்படங்கள் தற்போது வைரலாகி வருகின்றன.